Кения: көп жашап, азуу сөөктөрү жер чийгиче карыган пил өлдү. Сүрөттөр

© AFP / CHAIDEER MAHYUDDINСуматранский слон
Суматранский слон - Sputnik Кыргызстан
Жазылуу
Сүрөтчү эгерде жанынан эмес, сүрөттөн көрсө, мындай пилдердин бар экендигине ишенмек эместигин айткан.

БИШКЕК, 16-мар. — Sputnik. Кениянын Цаво саваннасында 60 жылдан ашуун жашаган F_MU1 аттуу ургаачы пил өлдү. Ал Африкадагы азуусу жерге чейин өскөн ири жаныбарлардын бири болчу. Бул туурасында BBC жазды.

Британиялык фотограф Уилл Беррард-Лукас бул сүрөттөрдү пил өлөр алдында тартып калган.

​"Эгерде пилдердин ханышасы деген түшүнүк болсо, анда сөзсүз F_MU1 тандалмак", — деп айтып берген ал.

Африка боюнча учурда азуусу узун 30га чукул гана жаныбар калды.

​Уилл аны Цаво улуттук паркынын администрациясы жана Жапайы жаратылышты коргоо боюнча Кения кызматы менен кызматташып тарткан. Бул долбоорго жарым жылдай убакыт кеткен.

Сүрөтчү пилди биринчи ирет көргөндө абдан таңгалгандыгын жашырган жок.

​"F_MU1 картайып, арыктап калса дагы, ага моюн бербей алдыга басып баратты. Азуусу ушунчалык өсүп кеткендиктен, артынан караганда соконун эки тиши чийген сымал бороз калтырганын көрүүгө болот эле. Мени бул жаныбарды көрүнүшү мурдагы өткөн заманга кайтарып барды", — деген ал.

60 жылдан ашуун мезгил ичинде пил жашоосунда башынан көп кыйынчылыктарды өткөргөн.

Түштүк Африкада ресторандын чатырына чыгып алган пилдин видеосу - Sputnik Кыргызстан
Түштүк Африкада ресторандын чатырына чыгып алган пилдин видеосу
Браконьерлердин аңчылыгынан кутулуп чыгып, уу сугарылган жебени жеңип, тузактан качып чыгып кеткенге үлгүргөн.

F_MU1ге окшогон жаныбарлардын азуусу браконьерлер үчүн табылгыс олжо. Алар адатта жерге чейин жетип өскөндөн соң сынып калат.

Эки жыл мурда Satao II деп аталган пил эң узун делген азууларынын айынан улуттук парктын чек арасында өлтүрүлгөн. Кийин анын ууга сугарылган жебеден өлгөндүгү аныкталган.

"Аркайган азуулары бар пилдердин саны саналуу гана калды. Алар браконьерлердин кылтагынан кутула албай калышууда", — деп айтып берген Born Free уюмунун өкүлү доктор Марк Жонс.

Адис мындай жаныбарлардын балким эң акыркы тукумдарын көрүп жаткандырбыз деп көңүл чөгөргөн божомолун айткан. Себеби алар тукум улап, көбөйгүчө эле азууларына аңчылыкка чыккан адамзат тукум курут кылганы калды деп кошумчалаган.

Уиллдин сүрөттөрү "Алптардын өлкөсү" деп аталган китепке жарыяланмакчы.

Эң кары пилдин акыркы сүрөтү шаркыратмада жасалган. Сүрөтчү бул ирмемдер анын жадынан көпкө чейин өчпөй тургандыгын айткан.

Жаңылыктар түрмөгү
0