13:05 22 Жетинин айы 2019
Түз эфир
  • USD69.8500
  • EUR77.4357
  • RUB1.0941
Судмедэксперты уносят тело погибшего, при взрыве нефтепровода Туспан-Тула в Мексике. 19 января 2019 года

Мексикада мунай түтүгүнүн жарылуусунан көз жумгандардын саны 114кө жетти

© REUTERS / HENRY ROMERO
Дүйнөдө
Кыскача шилтеме алуу
162 0 0

Күндөн-күнгө көз жумгандардын саны өсүүдө.

БИШКЕК, 27-янв. — Sputnik. Мексикадагы күйүүчү май өтүүчү түтүктүн жарылышынан каза болгондордун саны 114кө жетти. Бул тууралуу РИА Новости аталган өлкөнүн саламаттык сактоо министрлигине таянып кабарлады.

Шаардагы ооруканаларда учурда 33 адам жатса, жабыркагандардын үчөө Американын Техас штатындагы медициналык мекемеде. Акыркы маалыматтар боюнча күйүк алган 46 адам ооруканада каза болгон.

Эске салсак, ири өрт 18-январда чыккан. Анда 350дөн ашык адам мыйзамсыз негизде Мексиканын Идальго штатындагы Туспан – Тула түтүгүн кесип, бидон жана канистрлерге күйүүчү май толтуруп жатканда жарылып кеткен.

Жыл башында Мексиканын жаңы өкмөтү бензин уурдагандарга каршы стратегиясын ишке ашырган. Бийлик түтүктөр мыйзамсыз көп кесилген аймактарга күйүүчү майды жөнөтүүнү токтотуп, аны цистерналар менен ташууга өткөн. Мындан сырткары, мунайды кайра иштеткен бардык заводдор менен стратегиялык объектилердин ташуу ишине аскер күчтөрү тартылган. Мунун айынан бензин жеткирүү ишинде тоскоолдуктар пайда болуп, май куюучу жайларда узун кезек жаралган.

Тема боюнча

Мексикадагы мунай түтүгүнүн жарылышынан 66 адам каза тапты
Белгилер:
түтүк, Өрт, Мексика

ЭҢ МААНИЛҮҮ