08:15 04 Теке 2020
Түз эфир
  • USD77.1102
  • EUR86.6140
  • RUB1.0938
Дүйнөдө
Кыскача шилтеме алуу
46511

Сумка турган жерге саперлор чакырылып, башка адистер, полиция кызматкерлери дароо жетип келген.

БИШКЕК, 25-янв. — Sputnik. Париждеги аэропорттун бир нече залы ызы-чуу түшүп, жүргүнчүлөр коопсуз жайга көчүрүлдү. Буга себепкер жолоочулап бара жаткан аялдын колго көтөргөн сумкасындагы буюм болгондугун РИА Новости жазды. 

Маалыматта чуунун башы Royal Air Maroc аба компаниясы менен Касабланкага учуп кете турган журналисттин жүгү болгону айтылды. Анын өзү менен кошо колуна алып жүргөн сумкасын сканерден өткөрө баштаганда жардыргычка окшогон буюм көзгө урунган. Анын сумканын сыртынан күйүп-өчүп турганы даана байкалган.

Бул көрүнүштөн кийин аба майдандын элди текшерип өткөргөн кызматкерлери дароо коопсуздук бөлүмүнө кабарлаган. Аэропорттун төртүнчү терминалынын эки залындагы жүргүнчүлөр менен кызматкерлер шашылыш түрдө эшикке чыгарылган. Аталган аймак курчоого алынган. Сумка турган жерге саперлор чакырылып, башка адистер, полиция кызматкерлери дароо жетип келген.

Тополоңдун айынан бир нече самолет учпай, каттамдар үзгүлтүккө учураган. Саперлор ар бир миллиметр жерди абайлап басып, болгон бүткөн техникасы менен текшере келгенде ал кадимки эле модалуу, өчүп-күйгөн туфли болуп чыккан. Териштире келгенде бут кийимдин ээси мода журналында иштеген журналист аял экени анык болгон. Ал эми жаңылыш шектенүүдөн улам жарыяланган кооптуу абал үч сааттан кийин, кечки жетилерде алынган.

Тема боюнча

Москванын "Домодедово" аэропортунда жүктөрдү роботтор тейлемей болду
Бомбанын калдыктарын гүлгө айландырган израилдик уста. Видео
Белгилер:
сапер, аэропорт, Париж, Франция

ЭҢ МААНИЛҮҮ