12:10 18 Кулжа 2019
Түз эфир
  • USD69.8305
  • EUR78.3044
  • RUB1.0857
Жер. Архивдик сүрөт

Планетада адам колу тие элек 5 гана пайыз жер калды

CC BY-SA 2.0 / NASA Johnson / Earth Observations "Islands In The Sky"
Дүйнөдө
Кыскача шилтеме алуу
265 0 0

Жапайы бойдон сакталып келе жаткан жерлерге тундра, тайга зоналары жана ийне жалбырактуу токой менен жыш капталган аймактар кирет.

БИШКЕК, 15-янв. — Sputnik. Америкалык окумуштуулар иликтөө жүргүзүп, жердин 5 гана пайызына адамдын колу тие элегин аныкташты. Бул тууралуу Axios порталы жазды. 

Иликтөө маалында планетанын 95 пайызы ар кандай өзгөрүүлөргө дуушар болгону билинген. Анын ичинде 84 пайызы антропогендик мүнөздөгү өзгөрүүлөр. Мындай жыйынтыкка келүү үчүн окумуштуулар жердин үстүнөн жана космостон тартылган сүрөт менен видеоматериалдарды колдонгон.

Жер жүзүндөгү экологиялык аймактардын 30 пайызы жана өлкөлөрдүн 18 гана пайызынын жерлери өзгөрүүгө көп дуушар болбой, баштапкы абалын сактап калган.

"Жердин адам колу тие элек 5 пайызын сактап калуу менен планетаны аман алып калабыз деп айта албайбыз. Анткени жердин көпчүлүк бөлүгү талкаланып, булганып калды. Бул нерсе бизди ойлондурушу керек", — деди иликтөөнүн авторлорунун бири.

Маалыматка караганда, жапайы бойдон сакталып келе жаткан беш пайыз жерге тундра, тайга зоналары жана ийне жалбырактуу токой менен жыш капталган жерлер гана кирет.

Тема боюнча

NASA биринчи ирет Марстагы шамалдын үнүн жаздырып алды
Марс планетасына кандай үйлөр салынышы мүмкүндүгүн көрсөттү
Белгилер:
Окумуштуулар, экология, планета, жер

ЭҢ МААНИЛҮҮ