09:21 04 Теке 2020
Түз эфир
  • USD77.1102
  • EUR86.6140
  • RUB1.0938
Дүйнөдө
Кыскача шилтеме алуу
213 0 0

2018-жылдын апрель-октябрь айылдарында полиция террорчулукка шектүү катары Өзбекстан менен Кыргызстандан чыккан беш адамды кармаган.

БИШКЕК, 1-янв. — Sputnik. Өзбекстан менен Кыргызстандан чыккандар Швецияда террорчулука айыпталганын РИА Новости жазды. 

Швециянын прокуратурасы декабрь айында террорчулукка шектүү деп алты кишиге күнөө койгон.

Буга чейин бир катар жалпыга маалымдоо каражаттары 2018-жылдын апрель-октябрь айларында полиция террорчулукка шектүү катары Өзбекстан менен Кыргызстандан чыккан беш адамдын кармалгандыгын жазган. Алардын биринин 2017-жылы Стокгольмдогу терактыга айыпталып өмүр бою кесилген Рахмат Акилов менен байланышта болгондугу айтылат.

Швеция тараптын маалыматына караганда, шек жараткандардын үчөө атайын химиялык заттар менен жабдууларды сатып алып, жардыруу жасаганга даярданган. Алтоо тең өзгөчө оор кылмышты каржылаган деп күнөөлөнүп жатат. Анда "Ислам кыймылы" террордук уюму пайдаланган акчаны жөнөтүп турган делет.

Маалыматта кылмыш Стокгольмдун тегерек-чети менен Борбордук Швециянын Стрёмсунд шаарында жасалганы кабарланган. Шектүүлөр күнөөнү танып, мойнуна алган эмес. Алтоонун бирөө учурда камакта. Соттук угуулар 2019-жылдын 7-январынан башталып, февраль айында аяктары айтылды.

Өзбекстандын Башкы прокуратурасы 29-декабрда Швециядагы кесиптештери менен сүйлөшүп жаткандыгын маалымдады.

Көзөмөл органдын өкүлү учурда алар менен улут аралык кылмыштын бетин ачуу боюнча иштөөдө байланыш түзүлөөрүн, бул экстремизм жана террорчулук менен күрөшүү жаатында болорун кошумчалады.

Тема боюнча

Чүйдө эл аралык террордук уюмдун тогуз мүчөсү кармалды
Сириядагы террорчуларга 100 миң доллар жөнөткөн. УКМК шектүүнү кармады
Белгилер:
террорчулук, күнөө, полиция, Швеция, Өзбекстан, Кыргызстан

ЭҢ МААНИЛҮҮ