01:27 19 Жетинин айы 2018
Түз эфир
  • USD69.8400
  • EUR79.2474
  • RUB1.0583
Унааны техникалык кароодон өткөрүү. Архив

Мигранттын эсине! Россияда унааны техникалык кароодон өткөрүү шарты өзгөрөт

© Sputnik / Александр Кряжев
Дүйнөдө
Кыскача шилтеме алуу
180 0 0

Ар бир унаанын жүргөн чакырымына, техникалык абалына, мурда жол кырсыгына кабылып же кабылбаганына жараша "жеке программа" менен текшерүү пландалып жатат.

БИШКЕК, 9-ноя. — Sputnik. Россияда унааны техникалык кароодон өткөрүүнүн жаңы системасы сунушталып жатат. Бул тууралуу "Коммерсантъ" басылмасына шилтеме берип РИА Новости жазды. 

Маалыматка караганда, келечекте ар бир унаанын жүргөн чакырымына, техникалык абалына, мурда жол кырсыгына кабылып же кабылбаганына жараша "жеке программа" менен текшерүү пландалып жатат.

"Бул критерийлер аркылуу анализден өткөн машинага "жакшы" же "начар" деген баа берилет. Жакшы баа алгандар арзаныраак техникалык кароого жиберилсе, начарлары өтө тыкыр же кымбат кароодон өтүүгө милдеттүү болот", — деп жазылат кабарда.

Бирок мындай өзгөрүү эртең эле боло калбайт. Адистердин айтымында, алгач анализ жүргүзүү үчүн тиешелүү шарттар түзүлүшү зарыл. Ал эми буга бир нече жыл кетиши мүмкүн.

Эске салсак, ноябрь айынын башында Кыргызстандын Россиядагы элчилигинде мигранттар менен жолугушуу өтүп, анда такси айдоочуларынын өкүлүнө унааларды убагында техникалык кароодон өткөрүү жана жол эрежелерин сактоо боюнча түшүндүрүү иштерин жүргүзүү тапшырмасы коюлган.

Тема боюнча

Эми сак болгула! Россия кыргыз мигранттарына жеңилдик берди
Белгилер:
техникалык кароо, унаа, Россия
Колдонуу эрежелериПикирлер

ЭҢ МААНИЛҮҮ