21:44 17 Жетинин айы 2019
Түз эфир
  • USD69.8500
  • EUR76.9922
  • RUB1.0933
Военнослужащие Сирии с флагами России и Ирана протестуют против воздушных ударов военными США, Великобритании и Франции. 14 апреля 2018

Сенатор Кейн: Трамп бүгүн Сирия, эртең Иран десе эмне болот? Пикирлер

© REUTERS / OMAR SANADIKI
Дүйнөдө
Кыскача шилтеме алуу
Батыш коалициясынын Сирияга болгон чабуулу (11)
295 0 0

АКШнын Баш мыйзамынын 1-беренесинде согуштук аракеттерди баштоого президентке Конгресс макулдук бериши керек деп жазылган.

БИШКЕК, 14-апр. — Sputnik. АКШ баш болгон үч мамлекеттин Сирияга сокку урушу тууралуу коомчулукта ар кыл пикирлер айтылууда. Ирандын руханий лидери Али Хаменеи бул окуяга байланыштуу АКШ, Франциянын президенттери менен Британиянын өкмөт башчысын кылмышкер деп атады. Бул туурасында РИА Новости жазды.

"Мен АКШ, Франциянын президенттери менен Британиянын өкмөт башчысын кылмышкер деп айтмакчымын", — деди Ирандын руханий лидери.

Ал эми Британиядагы оппозициянын лидери Жереми Корбин Лондон Вашингтонду ээрчип кетпеши керек эле деген сын-пикирин айткан.

"Бомба өмүрдү сактабайт, тынчтык алып келбейт… Британия Вашингтонду ээрчип кетпей, британиялык аскерлердин өмүрүн кооптуулукка кептебей, жараштыруу боюнча негизги ролду ойношу керек эле", — деген Корбин.

Ал премьер-министр абадан сокку ураардын алдында парламенттин колдоосун алышы керек болчу деп кошумчалады.

Сенатор: конгресс уруксат берген жок

Дагы бир сенатор Тим Кейн согуштук бул кадамдар мыйзамсыз деп эсептейт.

"Трамптын Сирияга каршы абадан сокку жасоо чечими Конгресстин макулдугу берилмейин мыйзамсыз деп эсептелет. Биз президенттердин колуна согуш ачуунун тизгинин толук карматпашыбыз керек. Бүгүн Сирия, а эртең Иран же Түндүк Кореяны бомбалайм десе, аны ким токтотот?", — деп суроо салган Кейн өзүнүн Twitter баракчасында.

Кейн 2016-жылы АКШдагы Демократтар партиясынан вице-президенттикке, ал эми Хилари Клинтон президенттикке ат алышкан.

АКШнын Баш мыйзамынын 1-беренесинде согуштук аракеттерди баштоого президентке Конгресс макулдук бериши керек деп жазылган. Анткен менен аталган мамлекеттин Коргоо министри Жеймс Мэттис Сирияга кол салууну Конституциянын 2-беренесине ыкташтырган. Президентке АКШга "кадыресе эле кооптуулук" жаралса, ага реакция кылууга, анын ичинде аскерий жол менен жооп берүүгө укук берилет деген жүйөнү бетине кармаган.

14-апрелдин таңында, Бишкек убактысы боюнча эртең менеки саат жетиде АКШ баш болуп Улуу Британия, Франция абадан Сирияга чабуул койду. Батыш коалициясы бутага "химиялык куралдарды жасаган жана изилдеген борбору" алынганын айтты. Үч өлкө жүздөн ашуун канаттуу жана "аба-жер" деп аталган ракеталарды учурган. РФтин Коргоо министрлиги алардын көбүнүн мизи кайтарылып, мээлеген жерине түшпөй калгандыгын билдирди. Сириянын абадан коргонуу боюнча күчтөрү кол салгандарга каршы мындан 30 жыл мурда Советтер Союзунда жасаган куралдарды колдонгондугу маалымалды.

Буга кошумча үч мамлекеттин Сирияга болгон чабуулунун алгачкы видео, сүрөттөрү чыкты.

Тема:
Батыш коалициясынын Сирияга болгон чабуулу (11)

Тема боюнча

Жүрөгүң түшөт! Сирияга болгон чабуулдун алгачкы видео, сүрөттөрү чыкты
АКШ президенти Трамп Сирияга сокку уруу боюнча буйрук берди
Белгилер:
согуш, ракета, сокку, Франция, Иран, Улуу Британия, АКШ, Сирия

ЭҢ МААНИЛҮҮ