Калпакчан кыргыздын сүрөтү Австралиядагы дубалда кантип пайда болду. Чоо-жайы

© Фото / Khosnaran Khurelbaatar Мельбурнда (Австралия) калпак кийген кыргыз аксакалдын сүрөтү пайда болду
Мельбурнда (Австралия) калпак кийген кыргыз аксакалдын сүрөтү пайда болду - Sputnik Кыргызстан
Жазылуу
Монголияда туулган киши Австралиянын Мельбурн шаарында башына калпак кийип турган кыргыздын сүрөтүн дубалга түшүргөн

БИШКЕК, 15-фев. — Sputnik. Мельбурнда (Австралия) калпак кийген кыргыз аксакалдын сүрөтү пайда болду. 

Публикация от Heesco (@heesco) Окт 20, 2017 в 10:28 PDT

Мельбурн шаарынын Доклендс районундагы Blender Studios деп аталган соода борбордун кире беришинде дубалда адаттагыдан башкача сүрөт тартылып турат.

Ал эмгектин автору Монголияда туулуп, бирок Австралияны 20 жылдан бери жердеген Хоснаран Хурелбаатар (Khosnaran Khurelbaatar) аттуу адам.

Sputnik Кыргызстандын кабарчысы менен болгон маегинде графити сүрөттү кантип тартып калгандыгын айтып берди.

"Өзүм Улан-Батордо туулуп, өскөм. Австралияда 20 жылдан бери жашайм. Көчөгө сүрөт тартуу жаатында кесипкөйлүк деңгээлде 5 жылдан бери иштеп келем. Борбор Азия жана Монголия боюнча эмгектерим менен Австралиянын коомчулугун кеңири тааныштырсам деп келем", — деп айтып берди сүрөтчү.

Ал аксакалдын сүрөтүн туристтик сайттардын биринен тапкандыгын билдирди.

Омск шаарындагы көп кабаттуу үйдүн дубалына Манастын элесин түшүргөн сүрөтчү Константин Zmogk - Sputnik Кыргызстан
Россиялык сүрөтчү Кыргызстанга келип дагы бир Манасты тартууга даяр
"Ак калпакчан кыргыз аксакал азыр Доклендсидеги соода-көңүл ачуучу жайга келгендерди кызыктырууда. Аны эки күндө тартып бүттүм, ал эми сүрөттү туристтик сайттардын биринен таптым. Бирок анда ким жана кайсы жерден тартылганы боюнча маалымат жок экен", — деди ал.

Чебер кээ бир эмгектерин шөкөттөп, заманга бап стилди кошуп коерун айтты. Калпакчан аксакалдын сүрөтүнөн да модага жакын көркөм боекторду байкоого болот.

Буга чейин кыргызстандык сүрөтчү Азамат Жаналиев Монголиянын жаңы шайланган президенти Халтмаагийн Баттулга менен Улан-Батор шаарында жолугуп, ага сүрөт белек кылган.

Жаңылыктар түрмөгү
0