АКШ: кыздын көзүнөн жаныбарларда кездешкен 14 куртту алып чыгышты

© Sputnik / Виталий Аньков / Медиабанкка өтүүКөзго операция учурунда. Архив
Көзго операция учурунда. Архив - Sputnik Кыргызстан
Жазылуу
26 жаштагы Эбби Бекли мындан эки жыл илгери балык уулап отуруп, көзүнөн кокусунан 1,3 сантиметр өлчөмүндөгү тунук курттарды таап алган.

БИШКЕК, 14-фев. — Sputnik. Окумуштуулар мурда жаныбарларда кездешкен Thelazia gulosa деп аталган мите курттар кишинин органдарына кирип, зыянын тийгизерин айтышты. Бул туурасында РИА Новости жазды.

Макалада америкалык 26 жаштагы кыз Эбби Бекли мындан эки жыл илгери балык уулап отуруп, көзүнөн кокусунан 1,3 сантиметрлик тунук курттарды таап алгандыгы айтылган. Кийин кыздын башы басылбай ооруп, дарыгерлер 20 күн аралыгында кыздын көзүнөн жогорудагыдай 14 куртту алып чыгышкан.

В отделении выхаживания недоношенных новорожденных - Sputnik Кыргызстан
Денесинен 16 ийне табылган ымыркай. Дарыгерлер баланын абалын айтып берди
Макалада эгер мындай курттар адамдын көзүнө түшүп, көбүрөөк убакыт жашап калса, көрүүгө доо кетире тургандыгы айтылган. Анткен менен Эбби Бекли мите курттарды алып салгандан кийин көзү оорубай калгандыгын билдирген.

Кийинчерээк АКШнын ооруларды көзөмөлдөө жана алдын алуу боюнча борборунун адистери бул курттар мурда мышык, ит, түлкү жана мүйүздүү ири малда кездешкендигин маалымдады. Изилдөөчүлөр мите малдын таноосунан, оозунан чыккын суюктуктар жана чылпак менен тамактанган чымын аркылуу кыздын көзүнө түшүп калышы мүмкүн деген божомолун айтышкан.

Ушул теманы улай айтсак, европалык окумуштуулар Мартин Ниффелер менен Клаус Биркхофер жөргөмүштөр планетанын жашоочуларын бир жыл ичинде жеп салууга жөндөмдүү экендигин билдиришти.

Жаңылыктар түрмөгү
0