Иерусалим маселесинен улам ХАМАС жаңы индифадага чакырууда

© REUTERS / MOHAMMED SALEMАкции протеста в Палестине
Акции протеста в Палестине - Sputnik Кыргызстан
Жазылуу
Хания бул жуманы "каардануунун күнү" деп атап, кыймылды "Иерусалим менен Батыш жээкке эркиндик" деген ураан менен баштоону жар салды

БИШКЕК, 7-дек. — Sputnik. Палестина кыймылынын — ХАМАСтын лидери Исмаил Хания АКШнын Иерусалим боюнча чечиминен улам, жаңы индифадага чакырды. 

"Иерусалимди иудалаштыруу боюнча америкалык жана сионисттик пландарга каршы палестиналык үчүнчү көтөрүлүүнү баштоо керек", — деген ал.

США признал город Иерусалим столицей Израиля - Sputnik Кыргызстан
АКШнын Иерусалимди Израилдин борбору деп таанышы бир топ өлкөлөрдө каршылык жаратты
Хания жуманы "каардануунун күнү" деп атап, "Иерусалим менен Батыш жээкке эркиндик" деген ураан менен баштоону жар салды.

"Бирдиктүү Иерусалим Палестинанын борбору катары кала берет, Палестина жерин басып алууну мыйзамдуу деп тааныбайбыз", — деген Исмаил Хания.

ХАМАС лидери араб өлкөлөрү Вашингтон менен кызматташуусун үзүшү керек деп ойлойт. Анын айтымында, Америка президентинин чечими Палестина элине жасалган агрессия болгондуктан анын ыйыктарынын ыйыктарына согуш жарыялай турганын белгилеген.

"Палестина бороону Дональд Трамп бармагын тиштегенге чейин уланат", — деп күтөбүз деп кошумчалаган Хания.

АКШнын президенти 6-декабрда Иерусалимди Израиль борбору деп таанып, Америка элчилигин Тель-Авивден аталган калаага көчүрүү боюнча документке кол койгон.

Запуск межконтинентальной баллистической ракеты в КНДР - Sputnik Кыргызстан
АКШ Түндүк Кореяга карата жаңы санкцияларды кабыл алат
Израиль Иерусалимди өзүнүн "бирдиктүү жана эч ким менен бөлүшпөй турган" борбору деп эсептеп келет. Буга шаардын 1967-жылдагы Алты күндүк согушта басып алынган чыгыш райондору менен борбордук бөлүгүн кошуп жүрүшөт.

Дүйнө коомчулугу шаардагы израилдик суверенитетти тааныбайт жана аны жакынкы чыгыштагы чыр-чатактардын негизги көйгөйү деп келет. Муну Иерусалимдин батышы биздики деп эсептеп келген Палестина эли менен чогуу чечилиши керектигин айтышат.

Палестиналыктардын Израиль окуппациясына каршы 1987-1991-жылдарда болгон көтөрүлүшү палестиналык биринчи интифада деген аталышка ээ болгон. Ал 1994-жылы Палестина автономиясын түзүү менен аяктаган. Экинчи интифада Израиль премьери Ариэль Шарон жана анын тарапташтары 2000-жылы Храм тоолоруна барганда болгон. Толкундоо азайып, бирок толугу менен токтоп калбай, азыркыга чейин Палестина-Израиль чатагы тыйылбай келет.

Жаңылыктар түрмөгү
0