Нигериялык кыз 6 сутка тынбай бийлеп дүйнөлүк рекорд койду. Видео

© Sputnik / Максим Богодвид / Медиабанкка өтүүБрейк-данс фестиваль Combonation 6 в Казани
Брейк-данс фестиваль Combonation 6 в Казани - Sputnik Кыргызстан
Жазылуу
Пинки Дебби деген каймана ат менен белгилүү болгон кыз бий менен алты жылдан бери алектенет

БИШКЕК, 1-дек. — Sputnik. Нигериялык 22 жаштагы профессионал бийчи кыз Одумеву Дебби 137 саат тынбай бийлеп Гиннес китебине кирди. Бул тууралуу Sputnik Белоруссия маалымдады.

"Мени колдогонуңуздарга ыраазычылык билдирем. Сиздерди жакшы көрөм", — деп бийчи кыз Instagram баракчасы аркылуу күйөрмандарына рахматын айткан.

Белгилүү ырчы Малика Дина. Архив - Sputnik Кыргызстан
Соцтармак кызыктары: тойдун көркүн ачкан Малика Дина, боегу жуулган Асемова
Бий чөйрөсүндө Пинки Дебби деген каймана ат менен белгилүү болгон кыз чыгармачылыктын бул түрү менен алты жылдан бери алектенет. Буга чейин Дебби 150 саат тынбай бийлейм деген максат койгон. Бирок дүйнөлүк рекорд жасоого ага 137 гана саат жеткен.

Дүйнөдөгү эң узакка созулган бий Instagram баракчасында түз алып көрсөтүлгөн. Андан соң интернетке кыска видеороликтер жарыяланган.

Деббинин бийи азырынча дүйнөдөгү эң узакка созулган бий болуп саналат. Андан кийинки орунда индиялык кыздын бийи бар. Ал 123 саат 15 мүнөткө созулуп, кыз 2010-жылы 20-сентябрдан 26-сентябрга чейин бийлеген.

Жаңылыктар түрмөгү
0