БИШКЕК, 5-окт. — Sputnik. Россиянын президенти Владимир Путин АКШ президенти менен дээрлик жеке мамилеси жоктугун айтты. Бул тууралуу РИА Новости агенттиги билдирди.
Путин Трамп менен бир жолу жолугуп, телефон аркылуу бир нече жолу сүйлөшкөнүн айтты.
"Жеке мамилебиз дээрлик жок. Бир гана жолу жолуктук. Телефон аркылуу эки тарапты тең кызыктырган маселелер боюнча бир нече жолу сүйлөшкөнбүз. Анын ичинде Сирия маселеси да бар", — деди ал.
Путин ошондой эле Сирия маселеси боюнча Россия көп тармак боюнча АКШ менен кызматташарын кошумчалады.
