03:22 18 Баш оона 2017
Түз эфир
Сүрөтчү Виллем де Куниндин Охра аял аттуу эмгеги

АКШда 31 жыл мурун уурдалган 160 миллион долларлык сүрөт табылды

© AP Photo / University of Arizona
Дүйнөдө
Кыскача шилтеме алуу
96 0 0

Баалуу буюмду Дэвид Ван Аукер аттуу сатуучу жеке коллекциялардын арасынан таап алган

БИШКЕК, 14-авг. — Sputnik. АКШнын Аризона штатындагы музейден нидерландиялык сүрөтчү Виллем де Куниндин "Охра аял" аттуу уурдалган эмгеги 31 жылдан кийин табылды. Бул тууралуу РИА Новости аталган музейдин сайтына шилтеме кылып билдирди.

Баалуу буюмду сатып жаткан Дэвид Ван Аукер бул эмгекти жеке коллекциялардын арасынан таап, аны менен кошо дагы башка сүрөттөрдү эки миң долларга сатып алган.

Кийин Нью-Мексико штатындагы өзүнүн дүкөнүнө алып барып сатыкка койгон. Келген кардарлар сүрөт Виллем де Куниндин эмгегине окшош экенин айтышкан. Мындан улам Ван Аукер Аризона штатындагы музейге кайрылганда андагы адситер дароо текшерип, нак өзү экенин ырасташкан.

Музей кызматкерлеринин айтуусу боюнча сүрөттү 1985-жылдын ноябрь айында белгисиз эркек менен аял уурдап кеткен. Аял музейдин күзөтчүсүн алаксытып турганча эркеги 15 мүнөткө жетпеген убакытта сүрөттү чыгарып кетүүгө үлгүргөн.

Баалуу эмгектин баасы азырынча билине элек, бирок буга чейин Американын National Public Radio радиосу сүрөт 160 миллион доллар тураарын маалымдаган.

Тема боюнча

АКШда селфи жасайм деген кыз 200 миң долларлык экспонаттарды сындырып алды. Видео
Дүкөнчүлөр ууру туткан кишини эс-учунан тангыча муздаткычта кармашкан
Белгилер:
уурулук, Сүрөт, АКШ

ЭҢ МААНИЛҮҮ