Си Цзиньпин АКШ менен Түндүк Кореяны абалды курчутуудан алыс болууга чакырды

© Sputnik / Михаил Климентьев / Медиабанкка өтүүВстреча президента РФ В. Путина и председателя КНР Си Цзиньпина в Москве
Встреча президента РФ В. Путина и председателя КНР Си Цзиньпина в Москве - Sputnik Кыргызстан
Жазылуу
Кытай лидери "Корей жарым аралындагы өзөктүк курал маселесин чечүү үчүн саясий багытты жөндөп жана диалогго баруу зарылдыгын" айткан.

БИШКЕК, 12-авг. — Sputnik. Кытай лидери Си Цзиньпин АКШ башчысы Дональд Трамп менен телефондон сүйлөшкөндө бардык тараптарды Корея жарым аралындагы абалды курчутуудан алыс болууга чакырды. Бул туурасында РИА Новости Кытайдын борбордук телекомпаниясына шилтеме берип жазды. 

"Азыр бардык тараптар акыл-эс менен чечим кабыл алып, сабырдуу болушу керек болуп турган учур. Корея жарым аралындагы абалды курчутуп жиберген билдирүүлөрдөн алыс болуу керек", — деп айткан Кытай жетекчиси Си Цзиньпин.

Ал "Корей жарым аралындагы өзөктүк курал маселесин чечүү үчүн саясий багытты жөндөп жана диалогго баруу зарылдыгын" белгилеген.

Түндүк Корея БУУнун Коопсуздук кеңешинин санкцияларына карабастан, АКШнын кооптуулугунан коргонуу шылтоосу менен өзөктүк ракеталарды сыноону токтотпой келет.

Военная база США на острове Гуам - Sputnik Кыргызстан
Түндүк Корея АКШны ракеталык сокку менен опузага алды
Акыркы аптада Пхеньян менен Вашингтон удаасы менен бири-бирин опузага алган билдирүүлөрдү таратты. Кореянын борбордук телеграф агенттиги түндүк кореялык аскерийлер Тынч океандын батыш аймагындагы Гуам аралындагы АКШ объектилерине ракета багыттоо планын талкуулап жатканын да жазган.

Түндүк Корея АКШ алардын куралдары жете турган аймакта экендигин айтып, июль айында баллистикалык эки ракетаны учурган. Ал эми эксперттер алардын ракеталарынын көпчүлүгү мээленген бутага тийбей тургандыгын жана эсептелген аралыкка жетпей калгандыгын айтышууда.

АКШ президенти Трамп аталган өлкө соңку ракетаны учурганда муну ойлонбой жасалган акылсыз жана кооптуу кадам деп айыптап, "Түндүк Корея лидери Ким Чен Ын АКШнын Гуам аралында бир нерсе кыла турган болсо дүйнө али көрө эле каар менен отко кабылат" деген эле.

Эскерте кетсек, Тынч океандагы Гуам аралында Американын Андерсен аба базасы менен Апра-Харбор деп аталган аскер-деңиз базасы бар.

Жаңылыктар түрмөгү
0