Россиянын балдар акыйкатчысы "педофилдер тизмесин" түзүү сунушун колдоду

© Sputnik / Алексей Никольский / Медиабанкка өтүүПрезидент РФ В. Путин встретился с уполномоченным по правам ребенка А. Кузнецовой
Президент РФ В. Путин встретился с уполномоченным по правам ребенка А. Кузнецовой - Sputnik Кыргызстан
Жазылуу
2016-жылы Россияда балдарга карата 12 миң 353 сексуалдык маанайдагы кылмыш катталган

БИШКЕК, 2-авг. — Sputnik. Россиянын балдар акыйкатчысы Анна Кузнецова "педофилдер тизмесин" түзүү идеясын колдоп чыккандыгын РИА Новости жазды.

Бетин жаап турган кыздын архивдик сүрөтү - Sputnik Кыргызстан
Атасы зордуктаган наристе кыздын айтып бергени сотту да ыйлаткан. Адвокат менен маек
Маалыматка караганда, Россияда мурда эле көтөрүлүп келген бул идеяга Кузнецованын басым жасашына балдар лагеринин тарбиячысы педофилияга шектелген чуу себеп болду.

Россиянын Тергөө комитетинин регионалдык башкармалыгынан билдиришкендей, Москва облусундагы "Салют" балдар лагеринин тарбиячысы 25-июль түнү 12 жаштагы эки балага сексуалдык мүнөздөгү аракеттерди жасаган. Шектелүүчү колго түшкөндө күнөөсүн мойнуна алып, ага карата кылмыш иши козголгон.

"Кузнецованын пикиринде балдар лагериндеги кезектеги чуу жумушчуларды кызматка алуудагы жана көзөмөлдөөдөгү кемчиликтерден кабар берет. Ошол себептүү "педофилдер тизмесин" түзүү боюнча мыйзам иштеп чыгышыбыз керек. Ага балдар жана жашы жете электерге "кол салган" ар бир жаран тууралуу маалыматтар киргизилиши зарыл. Андан кийин ал адамдар өмүр бою көзөмөлдө турушу шарт", — деп акыйкатчынын аппаратынын билдирүүсүндө айтылды.

Маалыматка караганда, 2016-жылы Россияда балдарга карата 12 миң 353 сексуалдык маанайдагы кылмыш катталган.

Жаңылыктар түрмөгү
0