04:03 09 Теке 2020
Түз эфир
  • USD78.0266
  • EUR88.0062
  • RUB1.0953
Дүйнөдө
Кыскача шилтеме алуу
31210

Андан сырткары, террордук уюмдар менен алака түздү делип ондогон киши колго түштү

БИШКЕК, 31-июл. — Sputnik. Түркиянын бийлиги дин аалымы Фетхуллах Гүлен менен байланышы бар деп бир жума ичинде 831 кишини кармады. Бул тууралуу Рейтер агенттигине таянуу менен РИА Новости жазып чыкты.

Гүлен Түркияда төңкөрүш кылууга аракет жасаган деп айыпталып, учурда АКШнын Пенсильвания штатында жашайт.

Укук коргоо органдары, андан сырткары, өлкөдө ишмердигин тыюу салынган Күрдстан жумушчу партиясынын мүчөсү деген шек менен 213 кишини кармаган. Муну менен бирге 46 киши "Ислам мамлекети" террордук тобуна тиешеси бар делинүүдө. Дагы сегиз киши башка террордук топтор менен алака түзгөн деген шек менен колго түшүрүлгөн.

2016-жылдын 16-июлунда көтөрүлүшчүлөр Түркияда төңкөрүш жасоого аракет кылган. Негизги каршылыктар Анкара жана Стамбул шаарларында болгон. Көтөрүлүш токтотулганы менен 240 түрк жараны каза таап, 2 миңден ашык адам жаракат алган.

Түрк бийлиги төңкөрүш аракетине Гүленди күнөөлөп, АКШдан аны экстрадиция кылууну суранган. Ал эми диний аалым өзү көтөрүлүштү сынга алып, ага тиешеси жок экендигин айтып чыккан.

АКШда жашап жаткан Гүленди кайтарып берүү боюнча Түркиянын талабын Америка аткара элек.

Тема боюнча

ЖМК: Флинн түрк бийлиги үчүн Фетхуллах Гүлен жөнүндө маалымат чогулткан
Түркия Америкадан Гүленди камакка алууну талап кылды
Белгилер:
камакка алуу, Фетхуллах Гүлен, Түркия

ЭҢ МААНИЛҮҮ