БИШКЕК, 13-июл. — Sputnik. Кытайдын Чжэцзян провинциясынын Ханчжоу шаарында жасалма интеллектинин акыркы жетишкендиктери камтылган шаарча ачылды.
CGTN телеканалы билдиргендей, шаарчада 90го жакын түрдүү долбоорлор коюлган. Анда тамак жасап жаткан, бийлеген роботторду жана башка кызыктуу нерселерди көрүүгө болот.
Уюштуруучулардын айтымында, бул аянтча изилдөө жүргүзүп, пайдалуу келишимдерди түзүүгө шарт түзүп бере алат.
Ханчжоу шаары IT технология боюнча Кытайдагы эң алдыңкы шаарлардан болуп саналат. Бул шаарда интернет-соодасы жана жогорку технологиялар менен алектенген ири компаниялардын кеңселери жайгашкан.