БИШКЕК, 8 июл. — Sputnik. Актриса Орнелла Мути Путин менен уюштурулган кечки тамак үчүн театрга барып, роль ойноодон баш тарткан. Бул туурасында Il Gazzettino басылмасы кабарлады.
Көрсө, 2010-жылы италиялык актриса өзү иштеген театр жетекчилигине ооруп калдым деп жасалма кагаз алып келген экен. Анын айынан театрда коюла турган спектакль болбой калган. Ал эми Мути Россияга президент Путин менен болгон кайрымдуулук кечки тамагына катышуу үчүн учуп кетиптир.
Анда Италия киноөнөрүнүн жылдызына сот 500 евро айып салып, шарттуу түрдө жарым жылга абакка кесүү чечимин чыгарган.
Жакында Италиянын Кассациялык соту биринчи инстанциянын жазасын жеңилдетип, шарттуу абак мөөнөтү менен айыппулдун өлчөмүн азайткан.
Эгерде актриса 30 миң евро айыппул төлөсө, абак жазасынан кутулат. Андан сырткары 3,6 миң евро компенсация төлөөгө туура келет.
