Польшанын биринчи айымы Трамптын сунган колун суутту. Видео

© AP Photo / Alik KepliczВизит президента США Дональда Трампа в Польшу
Визит президента США Дональда Трампа в Польшу - Sputnik Кыргызстан
Жазылуу
Польшанын биринчи айымы АКШ башчысы Трамптын сунган колун суутуп, алгач Меланья менен учурашты.

БИШКЕК, 7-июл. — Sputnik. АКШнын президенти Дональд Трамп кол алышуу учурунда кайрадан ыңгайсыз абалда калганын Euronews жазып чыкты.

Окуя Дональд Трамптын Польшага болгон сапарында эки мамлекеттин лидерлери менен жубайлары учурашып жатканда болгон.

Видеодо көрүнүп тургандай Трамп Польшанын президенти Анджей Дуда менен учурашкандан кийин колун биринчи айым Агата Корнхаузер-Дудага сунган. Бирок ал Трамптын колун суутуп, алгач биринчи айым менен учурашкан. Андан кийин гана Трампка колун сунган.

Кийинчерээк Польшанын президенти бул көрүнүшкө түшүндүрмө берип жатып, анын жубайы мындай кадамга атайылап барбаганын билдирген.

"Менин жубайым Дональд Трамп жана анын жубайы Меланья Трамп менен учурашты. Келгиле, жалган жаңылыктарга каршы туралы", — деп Дуда өзүнүн Twitter баракчасына жазып чыкты.

​Трамп өзүнүн өзгөчө учурашуусу менен таанымал. Ал көпчүлүк учурда колун сунган адамды өзүн карай тартып алмай жайы бар.

Жаңылыктар түрмөгү
0