Афганистандын борборундагы жардыруу 80ден ашык адамдын өмүрүн алды

© REUTERS / Omar Sobhani Афганистандын борборундагы жардыруудан 80ден ашык киши каза болду
Афганистандын борборундагы жардыруудан 80ден ашык киши каза болду - Sputnik Кыргызстан
Жазылуу
Жардыруу катуу болгондуктан окуя болгон жерге жакын жайгашкан үйлөр дагы жабыркаган.

БИШКЕК, 31-май — Sputnik. Афганистандын борборундагы жардыруудан 80ден ашык киши каза болду. Жергиликтүү полициянын маалыматына ылайык, жардыруу чет элдик элчиликтер менен президенттин сарайы жайгашкан жерге жакын болгонун BBC билдирди. 

"Жардыруучу зат ичине салынган автоунаа немис элчилигинине жакын жерде жарылган. Бул аймакта дагы башка маанилүү имараттар жайгашкан. Жардыруу эмне максатты көздөгөнү азырынча белгисиз", — деп жергиликтүү ЖМКлар маалымдашууда.

Манчестер Арена комплексинде америкалык ырчы Ариана Гранденин концерти өтүп жатканда жардыруу - Sputnik Кыргызстан
Манчестердеги терактыны "Ислам мамлекети" жасаганын айтты
Акыркы кабарлар боюнча кырсыктан 80ден ашык киши каза болуп, 300дөн ашык киши түрдүү жаракаттарды алган.

Жардыруу катуу болгондуктан окуя болгон жерге жакын жайгашкан үйлөр дагы жабыркаган.

Социалдык тармактарга жарыяланган видеодон шаардын чок ортосунан кара түтүн чыкканын көрүүгө болот. Шаардын борбордук бөлүгү полиция тарабынан курчоого алынды.

Акыркы айларда Кабулда бир нече жолу жардыруулар болуп, ал адам өмүрүн алган. Май айында Американын элчилигинин жанынан өтүп бараткан НАТОнун колоннасын жан кечти жардырып, ондон ашык жай тургун каза болгон.

Жаңылыктар түрмөгү
0