Трамп министр Лавровго жашыруун маалыматты айтып салды деп ЖМКлар дүрбөп жатат

© REUTERS / Mike SegarАКШ президенти Дональд Трамптын архивдик сүрөтү
АКШ президенти Дональд Трамптын архивдик сүрөтү - Sputnik Кыргызстан
Жазылуу
Америкадагы оппозиция менен жалпыга маалымдоо каражаттары Трамп минтип отурса "Ислам мамлекети" террордук уюму боюнча маалымат булагын кооптуулукка алып барып такайт деп түйшөлүүдө.

БИШКЕК, 16-май — Sputnik. АКШ президенти Дональд Трамп Россиянын Тышкы иштер министри Сергей Лавров менен жолукканда америкалык аткаминерлердин арасында да сөз кылууга тыюу салынган өтө жашыруун деген маалыматтарды айтып койгон. Бул туурасында РИА Новости Washington Post гезитине таянып кабарлады. 

Россиянын тышкы иштер министри Сергей Лавров Ак үйдө АКШ президенти Дональд Трамп менен жолугушуу учурунда - Sputnik Кыргызстан
Лавров Трамп менен эмне тууралуу сүйлөшкөнүн айтты
10-майда Лавров менен Трамп Вашингтон шаарында журналисттерди киргизбей, бир сааттан ашык сүйлөшкөн. Эки тарап Астана шаарында Сирия маселеси боюнча өтө турган кийинки сүйлөшүүлөрдүн келечегин талкуулаган. Андан сырткары, абал курчуган аймактагы кырдаалды жумшартуу максаты коюлган.

"Андагы айтылган маалыматта негизинен "Ислам мамлекети" террордук тобу туурасында болгон. Америкага аны чалгындоодон алынган документтерди алмашып иштешип келген өнөктөштөр берген. Маалыматтар ушунчалык жашыруун болгондуктан, ал тургай жогорку кызматтагы аткаминерлерге айтууга да чек коюлган болчу", — деп жазган басылма.

Анткен менен Ак үй Washington Post гезитинин жашыруун сыр туурасында жазган кабарын четке какты деп билдирген CNN телеканалы.

Ак үйдүн Улуттук коопсуздук боюнча кеңешчисинин орун басары Дина Пауэллдин айтымында, бул америкалык басылма жалган кабарды жазып жиберген.

"Бул таптакыр жалган кеп. Президент эки өлкө тең туш келип жаткан кооптуулук маселелелерин гана талкуулады", — деп айткан Пауэлл.

CNN телеканалы АКШнын мамлекеттик катчысы Рекс Тиллерсондун президент Трамп орус министрине согуштук операцияларды киргизүү ыкмасын айтпагандыгын жана чалгындоо боюнча маалымат булактарын талкуулабагандыгын берди.

"Жолугушуу учурунда конкреттүү кооптуулуктар боюнча пикир алмашуу болуп, маалымат булактары, аскер операциялары жана анын ыкмалары талкууланган жок", — деди Тиллерсон.

Басылманын материалдында Америка өнөктөштөрүнүн биринен алган маалыматтардын тарап кетиши алар менен кызматташуунун токтошуна алып келиши мүмкүн деп жазылган.

Жаңылыктар түрмөгү
0