Йеменде согуштун айынан миллиондогон жаран ачкачылыкка кабылууда

© AFP / AHMAD AL-BASHAЙемендик уй-було. Архив
Йемендик уй-було. Архив - Sputnik Кыргызстан
Жазылуу
Өлкөдөгү согуштун кесепетинен эки жылда миңдеген тургундар көз жумган. Алардын 1,5 миңи балдар экени белгилүү болду.

БИШКЕК, 29-мар. — Sputnik. Эки жылга созулган согуштун кесепетинен Йеменде миллиондогон адам азык-түлүк каатчылыгына кабылды. Бул тууралуу Бириккен улуттар уюмунун расмий сайтында кабарланды.

Уборка урожая зерновых в Новосибирской области - Sputnik Кыргызстан
Эксперт: 40-50 жылдан кийин адамзат курсагын тойгуза албай калышы мүмкүн
Билдирүүгө ылайык, учурда 19 миллион йемендик ачкачылыктан жапа чегип, калктын үчтөн эки бөлүгүнөн көбү гуманитардык жардамдарга муктаж, ошондой эле жети миллион адам азык-түлүк каатчылыгына кабылган.

БУУнун гуманитардык маселелер боюнча координатору Стивен О"Брайандын айтымында, азык-түлүк тартыштыгынан улам үч миллион адам өз үйүн таштап кеткен.

"Согуштук аракеттерден улам Йемендин экономикасы төмөндөп, азык-түлүк ресурстары азайып кетти. Мындан улам үч миллион адам өз турак-жайын таштап кетүүгө аргасыз болду", — деди О"Брайан.

Аталган аймактагы согуштун кесепетинен эки жылда миңдеген тургун көз жуумп, он миңдеген адам жарадар болуп, 1,5 миң бала каза болгон.

Ал эми ЮНИСЕФтин маалыматы боюнча йемендик үй-бүлөлөрдүн 80 пайызы карызга батып, калктын жарымы күнүнө эки долларга жетпеген акчага күн көрүшүүдө.

Жаңылыктар түрмөгү
0