Улуу Британияда жашыл түктүү күчүк туулду

© Sputnik / Илья Питалев / Медиабанкка өтүүЛабрадор пародасындагы күчүктөр. Архив
Лабрадор пародасындагы күчүктөр. Архив - Sputnik Кыргызстан
Жазылуу
Өзгөчө түстөгү күчүктү Фифи деп аташып, кожоюндары аны чоңойгондо сатууну пландоодо.

БИШКЕК, 7-фев. — Sputnik. Улуу Британияда жашыл түктүү күчүк туулганын РИА Новости Daily Mail агенттигине шилтеме берип кабарлады.

Өзгөчө жандыктын кожоюндарынын айтымында, күчүк жарык дүйнөгө каралжын болуп жаралган.

"Биз күчүктү көргөндө күлүп, жашыл ит болбойт да деп койгонбуз", — деди аталган жандыктын кожойкеси Элани Купер.

Күчүктүн башка бир туугандары менен апасынын түсү күрөң.

​Маалыматка ылайык, мындай өзгөчө түстүн келип чыгуу себеби күчүктүн энесинин гемоглобинини төмөндөп кетиши менен түшүндүрүлгөн. Бирок бул күчүктүн ден-соолугуна эч кандай кедергисин тийгизбейт. Жашыл түс бир нече жумадан кийин өчүп калаары маалым болду.

Күчүктү "Шрек" мультфильминдеги ханыша Фионага окшоштуруп Фифи деп аташкан. Кожоюндар аны бир туугандары менен чоңойгондо сатууну пландоодо.

Жаңылыктар түрмөгү
0