Грек фермерлери нааразылык акциясын улантып жатат

© AFP / LOUISA GOULIAMAKIГрециядагы фермерлердин нааразылык акциясы. Архив
Грециядагы фермерлердин нааразылык акциясы. Архив - Sputnik Кыргызстан
Жазылуу
23-январдан бери фермерлер күн сайын ири автожолду тракторлор менен бир нече сааттап тосууда.

БИШКЕК, 5-фев. — Sputnik. Грециядагы бардык фермерлер өкмөт салыктын көлөмүн көтөрүп жибергендиги үчүн өлкө боюнча нааразылык акциясын улантып жатат. Бул туурасында РИА Новости кабарлады. 

23-январдан бери фермерлер күн сайын ири автожолду тракторлор менен бир нече сааттап тосууда. Кечээ дыйкандар Салоники аба майданына кире берген жерди тосуп алышкан. Андан мурдараак шаардын борборуна кирип барып, ал жердеги Ак Мунаранын жанында нааразылыгын билдирип, топтолушкан.

АКШнын президенти Дональд Трамптын архивдик сүрөтү - Sputnik Кыргызстан
Беш миллион киши Трамптын саясатына каршы петицияга кол койду
Ал эми Лариса-Козани деп аталган улуттук магистралына алар ондогон литр сүттү жайылта төгүп салышкан. Андан соң эки саатка жолду жаап, самандарды өрттөгөн. Дыйкандар муну "өкмөттүн көргөн чараларына көрсөткөн нааразылыгы" деп аташууда.

Фермерлер кескин көтөрүлгөн салыктан улам азык-түлүктөрдү өндүргөн баа кымбаттап кеткендигин айтып жатышат. Андан сырткары, айыл чарбасына начар аба ырайы да терс таасир тийгизип, түшүмдүн бир тобу жараксыз болуп калды дешти.

Фермерлер нааразылык иш-чараларынын акыр аягына чейин турарын айтышкан.

Жаңылыктар түрмөгү
0