Италиянын соту Түрк президенти Эрдогандын баласынын сотунун ишин архивге кетирди

© AFP / BULENT KILIC сын президента Турции Биляль Эрдоган
сын президента Турции Биляль Эрдоган - Sputnik Кыргызстан
Жазылуу
2016-жылдын февраль айында Францияда жашаган Мурат Хакан Узан аттуу түрк ишкеринин арызынын негизинде президенттин баласын тергөө иштери башталган.

БИШКЕК, 25-янв. — Sputnik. Италиядагы Болонья шаарынын алдын ала тергөө соту Түркия президенти Режеп Тайип Эрдогандын баласы Билал Эрдогандын акча ишине байланышкан соттук ишин архивге жөнөтүүнү чечти. Бул туурасында РИА Новости ANSA агенттигине шилтеме берип жазды. 

Турецкий президент Реджеп Тайип Эрдоган - Sputnik Кыргызстан
Эрдоганды намазга коштоп бараткан унаалар жол кырсыгына кабылды
Билал Эрдоган 2015-жылдын күз айларында үй-бүлөсү менен Болонья шаарына көчүп келип, Жонс Хопкинс атындагы университетте докторлук ишин жазып жаткан. Бир жылдан кийин февраль айында Францияда жашаган Мурат Хакан Узан аттуу түрк ишкеринин арызынын негизинде тергөө иштери башталган. Маалыматта ал киши Режеп Тайип Эрдогандын саясий атаандашы деп айтылат. Бизнесмен Италия бийлигинен Билал Эрдогандан Италияга алып келген акчасынын чоо-жайын сурап, тактоону өтүнгөн. Ага карата иш ачылгандан кийин Билал Эрдоган өлкөдөн чыгып кеткен.

Агенттиктин маалыматына караганда, декабрь айында көрсөтмө берүү үчүн тергөөгө ишкер Узан да чакырылган. Анын сотко келбегендигине байланыштуу прокуратура арызды архивге өткөрүү чечимин кабыл алган.

Маалыматта бул Италиядагы тартип коргоо органдарынын Эрдогандын баласына карата иликтөө иштерин токтоткон биринчи учуру эмес. 2015-жылдын сентябрь айында Болонья шаарынын прокуратурасы сот органдарына түркия президентинин баласынын акчанын изин суутуп кеткен факты текшерилип, бирок далилденген жок деген маалыматты берген.

Жаңылыктар түрмөгү
0