БИШКЕК, 8-янв. — Sputnik. Түркия полициясынын жүргүзгөн сурактарынан кийин Анкарада атып өлтүрүлгөн Россиянын Түркиядагы элчиси Андрей Карловдун иши боюнча беш киши камакка алды. Бул туурасында РИА Новости жазды.
20 Бештин айы 2016, 14:54
19-декабрда Анкарада өтүп жаткан сүрөт көргөзмөсүнүн ачылыш аземинде россиялык элчи Андрей Карловго ок атылып, оор абалда ооруканага жеткирилген. Алган жараатынан улам дипломат көз жумган. Элчиден башка үч адам жабыркаган. Ок аткан кылмышкер жергиликтүү полиция тарабынан ошол жерде атып өлтүрүлгөн.
Маалыматта камакка алынгандардын ичинен төртөө элчини аткан полициянын мурдагы кызматкери Мевлют Мерт Алтынташ менен кошо кызмат өтөгөн. Прокуратура "кармалгандардын бири ислам үгүттөөчүсү Фетхуллах Гюлендин уюмунун мүчөсү болгон" деп билдирди.
