Стамбулдагы теракт: кармалган 40 кишинин ичинде КР паспортун алып жүргөндөр бар

© Sputnik / OSMAN ORSALТүркиянын полиция кызматкерлери. Архив
Түркиянын полиция кызматкерлери. Архив - Sputnik Кыргызстан
Жазылуу
Кармалгандардын арасында дагестандыктар, сириялыктар жана кытай уйгурлары бар.

БИШКЕК, 5-янв. — Sputnik. Түрк полициясы теракт уюштургандарды кармоо операцияcында Измир шаарынан шектүү катары 40 киши колго түшкөн. Алардын айрымдарынын жанынан Кыргызстандын паспорттору табылганын Hürriyet басылмасы билдирди.

Гезит алар негизинен Чыгыш Түркстандан келгендер экенин баса белгилеген.

Избитый в Стамбуле гражданин Туркменистана, который похож на террориста расстрелявшего посетителей ночного клуба - Sputnik Кыргызстан
Стамбулдун тургундары террорчуга окшоштуруп түркмөн жаранын сабап салышты
Маалыматка ылайык, кармалган жарандар 31-декабрда Стамбулдагы түнкү клубда ок чыгарган террорист менен ноябрь айынан бери чогуу жашап келген. 40 кишинин 20сы балдар, тогузу аял жана 11и эркек. Алар Дагестан, Сириядан келгендер жана кытайлык уйгурлар экенин полиция маалымдап, жандарынан Кыргызстандын, Казакстандын паспорттору табылганын кошумчалады.

Кармалгандар "Ислам мамлекети" террордук тобу менен байланышы бар деп шектелүүдө.

Кыргызстандын Улуттук коопсуздук мамлекеттик кызматы Стамбулда болгон окуядан кийин Түркиянын атайын кызматтары менен тыгыз иш алып барылып жатканын билдирди. 

Эске салсак, жаңы жыл түнү белгисиз бирөө Стамбулдагы Reina клубуна кирип келип, ок чыгарган. Анын кесепетинен 39 киши каза болуп, 69 киши түрдүү жаракаттарды алган. Бул каргашалуу окуянын жоопкерчилигин “Ислам мамлекети” террордук тобу өзүнө алган

Жаңылыктар түрмөгү
0