Иракта "Ислам мамлекетинин" үч башчысы жок кылынды

© AFP / AHMAD AL-RUBAYEБагдад шаарындагы АКШ армиясынын жоокери. Архив
Багдад шаарындагы АКШ армиясынын жоокери. Архив - Sputnik Кыргызстан
Жазылуу
Коалиция өкүлүнүн айтымында, Имад аль-Махалауи, Абу Түрк жана Фалах аль-Рашиди деп аталган лидер согушкерлер өлтүрүлгөн.

БИШКЕК, 5-янв. — Sputnik. Башында АКШ турган "Ислам мамлекетине" каршы күрөшкөн коалициялык күчтөр аталган террордук уюмдун Ирактагы тобунун үч башчысын жок кылганын кабарлады. Бул туурасында РИА Новости жазды. 

Коалициянын өкүлү Жон Дорриандын айтымында, Имад аль-Махалауи, Абу Түрк жана Фалах аль-Рашиди деп аталган лидер согушкерлер өлтүрүлгөн.

"Окуппация кылынган шаарлардагы "Ислам мамлекетинин" Ирактагы тобунун террорчуларынын лидерлери Имад аль-Махалауи, Абу Түрк жана Фалах аль-Рашиди жок кылынганын тастыктай алам", — деди ал. 

АКШнын аскер күчтөрү. Архив - Sputnik Кыргызстан
Америка Сирияга дагы 200 аскер жөнөтөт
Дорриан 4-январда жок кылынган аль-Рашиди Мосулда миналанган автоунааларды жардыруу боюнча иштерди теске салып турганын белгиледи. Анын айтымында, мындай ыкманы террорчулар согуш учурунда көп колдонот. 

Ушул эле күнү Ширкат калаасында согушкерлерди финансылык жактан камсыздоо иштерин алып барган Абу Түрк жок кылынган. 

Ал эми Аль-Махалауи Евфрат дарыясынын жээгиндеги согуштар боюнча иштеген. Дорриан анын жок кылынышы "Ислам мамлекетинин" бул аймактагы күчүн алсыратат деген пикирин кошумчалады.

Жаңылыктар түрмөгү
0