Кытайлыктардын көбү экинчи ирет балалуу болууну каалашпайт

© Sputnik / Екатерина Чеснокова / Медиабанкка өтүүБала көтөргөн Пекин шаарынын тургуну. Архив
Бала көтөргөн Пекин шаарынын тургуну. Архив - Sputnik Кыргызстан
Жазылуу
Экинчи наристелүү болууну каалабаганынын себебин алар бала кароо менен жумуш иштөөнү айкалыштыра албагандыгы менен байланыштырышкан.

БИШКЕК, 24-дек. — Sputnik. Кытай бийлиги экинчи балалуу болууга уруксат бергени менен бир баласы бар кытайлыктардын теэинен көбү экинчи баланы каалабай турганы маалым болду. Бул тууралуу РИА Новости жазды.

Бүткүл кытайлык аялдар ассоциациясынын сурамжылоосунан 53,3 пайыз адам экинчи баланы каалабай турганы, 26,6 пайызы азырынча бир чечимге келе электиги белгилүү болгон. Ал эми экинчи балалуу болгусу келгендер 20,5 пайызды түзгөн. Алардын көбү Пекин шаарынын жашоочулары экени аныкталды.

Новорожденный ребенок - Sputnik Кыргызстан
Карын эне: түшүнүп турам, бирок төрөгөн наристемди батирге алмашкым келбей калды
Мунун себебин кытайлыктар билим берүү, саламаттык сактоо жана социалдык факторлорго, ошондой эле үйдө бала кароо менен ишти айкалыштыра албагандыгы менен байланыштырышкан. 

Эске салсак, 1970-жылдын аягында Кытай "Бир үй-бүлө — бир бала" саясатын киргизген болчу. Бирок кийинчерээк бул чектөө гендердик теңсиздик жана элдин картаюусу сыяктуу демографиялык көйгөйлөргө алып келген. Ошондуктан элге экинчи бала күтүүгө уруксат берилген. Экинчи балалуу болууга жуптардын жок дегенде бирөсү үй-бүлөдө жалгыз болсо гана уруксат берилет.

2014-жылдагы алынган маалыматка таянсак, Кытайдын элинин саны 1,37 миллиард адамды түзгөн. Алардын 51,2 пайызы эркек болсо, 48,8 пайызы — аялдар.

Жаңылыктар түрмөгү
0