Анкарадагы РФ элчилиги жайгашкан көчөгө өлтүрүлгөн элчи Карловдун аты коюлат

© REUTERS / Umit BektasРоссийское посольство в Анкаре
Российское посольство в Анкаре - Sputnik Кыргызстан
Жазылуу
Учурда Анкаранын жашоочулары россиялык дипмиссиянын имаратына келип, гүл коюп жатат.

БИШКЕК, 20-дек. — Sputnik. Анкарадагы Россия элчилиги жайгашкан көчөгө атып өлтүрүлгөн элчи Андрей Карловдун ысымы берилет. Бул туурасында Түркия ТИМинин жетекчиси Мевлют Чавушоглу билдиргенин РИА Новости жазды.

"Бул туурасында кечээ Түркиянын премьер-министр билдирди. Мырза Карловдун элесин Анкарада да түбөлүккө калтыруу максатында Россия элчилиги жайгашкан көчөгө эми Андрей Карлов атындагы көчө деп аталмакчы", — деди Чавушоглу Россия ТИМ жетекчиси Сергей Лавров менен биргеликте Москвада берген маалымат жыйында. 

Анын айтымында, Россия менен Түркия кандуу окуянын уюштуруучуларына эки өлкөнүн алакасына зыян тийгизүүгө жол бербейт. Дипломат бул окуянын күнөөлүүлөрү жазасын аларын кошумчалады. 

Посол России в Турции Андрей Карлов во время открытия фотовыставки в Анкаре - Sputnik Кыргызстан
Жунусов: элчини өлтүргөн жигит тапанчасын кайра октогуча качып кеттик
Учурда Анкаранын жашоочулары россиялык дипмиссиянын имаратына келип, гүл коюп жатат. Аталган райондо коопсуздук чаралары күчөтүлүп, элчилик жайгашкан көчө катуу кайтарууга алынып жана тосулган. 

Эске салсак, 19-декабрда Анкарада өтүп жаткан сүрөт көргөзмөсүнүн ачылыш аземинде россиялык элчи Андрей Карловго ок атылып, оор абалда ооруканага жеткирилген. Алган жараатынан улам дипломат көз жумган. Элчиден башка үч адам жабыркаган. Ок аткан кылмышкер жергиликтүү полиция тарабынан ошол жерде атып өлтүрүлгөн.

Россия элчисине кол салуу жеринен алынган сүрөттөрдү Sputnik Кыргызстан фотолентасынан көрүңүздөр>>

Жаңылыктар түрмөгү
0