Бельгиянын сыра жасоо маданияты ЮНЕСКОнун тизмесине кирди

© Sputnik / Сергей Пятаков / Медиабанкка өтүүБельгийский пивной ресторан "Ян Примус".
Бельгийский пивной ресторан Ян Примус. - Sputnik Кыргызстан
Жазылуу
2014-жылы Бельгиянын бийлиги коомчулукту колдоо максатында ЮНЕСКОнун тизмесине картошка фри тамагын да маданий мурас катары киргизүүнү пландаган.

БИШКЕК, 1-дек. — Sputnik. Бельгиянын сыра жасоо маданияты ЮНЕСКОнун бүткүл дүйнөлүк мурастар тизмесине кирди. Бул тууралуу РИА Новости аталган уюмдун расмий сайтына таянып жазган. 

"Өлкөдө ар түрдүү ыкма менен жасалган пивонун 1,5 миң түрү бар. Автордук рецепт менен даярдалган суусундук 1980-жылдардан баштап кеңири тарай баштаган",— деп жазылат маалыматта. 

ЮНЕСКО Бельгиянын пиво жасоочуларын кайрымдуулук иштерге көп катышарын, сыра кулинария тармагында да кеңири колдонуларын баса белгилеген.

Кыргызстандын маданий мурастары
Бельгиянын сыра жасоочулары пиво ачытуу боюнча мастер-класстарды, университеттерде атайын курстарды өткөрүп, ишкерлер жана жаңы үйрөнчүктөр үчүн сыра жасоону үйрөткөн программаны даярдашкан.

Мындан сырткары 2014-жылы Бельгиянын бийлиги коомчулукту колдоо максатында ЮНЕСКОнун тизмесине картошка фри тамагын да маданий мурас катары киргизүүнү пландаган. Мындай көрүнүш менен өлкөнүн тургундары Бельгияны картошка фринин "мекени" деп атагылары келген.

Сыра жасоо маданиятынан сырткары ЮНЕСКОнун тизмесине Бельгиянын куш салуу, Бенш, Брюгге, Алст шаарларындагы карнавал жана жүрүштөр, жыл сайын өткөрүлгөн кышкы жарманке киргизилген. Синт-Ливенс-Хаутемдеги мал базары, мындан сырткары Герардсберген шаарындагы нан менен от күнү сыяктуу күндөр мурас катары катталган.

Жаңылыктар түрмөгү
0