Емельяненко менен Кадыров бейрасмий жолугушуусу мүмкүн

© Sputnik / Константин Чалабов / Медиабанкка өтүүПетербургский международный экономический форум 2015 (ПМЭФ). День второй
Петербургский международный экономический форум 2015 (ПМЭФ). День второй - Sputnik Кыргызстан
Жазылуу
Өткөн жумада Грозныйда болгон балдардын мушташынан кийин бир топ ызы-чуу болгон. Федор Емельяненко 12 жашка чейинки балдар ММА эрежелери боюнча мушташпашы керектигин айтып, анын мындай билдирүүсүнө Чечен президентинин тарапташтары катуу сын жаадырган.

БИШКЕК, 14-окт. — Sputnik. Россиянын ММА кеңешинин президенти Федор Емельяненко менен Чечен республикасынын башчысы Рамзан Кадыровду бейрасмий жолуктурууну РФтин коомдук палатасынын коомдук көзөмөл комиссиясынын төрагасынын орун басары Дмитрий Галочкин сунуштаган. Бул тууралуу РИА Новости билдирди. 

Бул жолугушуу жаш балдардын ММА эрежелери боюнча мушташынан кийин жаралган абалды жөнгө салуу максатында болуп жатат.

Өткөн жумада Грозныйда болгон балдардын мушташынан кийин бир топ ызы-чуу болгон. Федор Емельяненко 12 жашка чейинки балдар ММА эрежелери боюнча мушташпашы керектигин жазып, мындай мушташтар телеканалдар аркылуу көрсөтүлбөшү керектигин айткан. Анын мындай билдирүүсүнө Чечен президентинин тарапташтары катуу сын жаадырган.

"Федор Емельяненко менен Рамзан Кадыровдун жай чөйрөдө жолугушуусу чыңалган абалды жайгарат", — дейт Галочкин.

Чеченстандын жетекчиси Рамзан Кадыровдун архивдик сүрөтү - Sputnik Кыргызстан
Рамзан Кадыров балдары мушташкан турнир боюнча Емельяненкого жооп айтты
Шаршемби күнү "Р-Спорт" агенттиги Емельяненконун кичинекей кызы бейтааныш киши тарабынан сабалып, Москва шаарындагы балдардын хирургия жана травматология борборуна алып келинген. Бул окуя жогоруда айтылган катуу талкуулар болуп жаткан учурга туш келген.

Галочкин жаралган мындай абалдан радикалдык көз карашта болгон кишилер пайдаланып, окуяны козутуп, ага май чачып жатканын айтат. Андыктан түзүлгөн абалды жайгаруу эки тарап үчүн тең пайдалуу болорун белгилейт.

Жаңылыктар түрмөгү
0