Окумуштуулар адамдын башын алмаштыруу кийинки жылы мүмкүн болорун айтышууда

© Sputnik / Жоомарт УраимовДарыгердин архивдик сүрөтү
Дарыгердин архивдик сүрөтү - Sputnik Кыргызстан
Жазылуу
Вьетнамдагы ооруканалардын бири мындай операцияларды жасоого атайын жай бөлүп берүүгө даяр экенин билдирди.

БИШКЕК, 21-сен. — Sputnik. Адамдын башын алмаштыруу операциялары кийинки жылы мүмкүн болорун РИА Новости маалымат агенттиги Independent гезитине шилтеме берүү менен билдирди. 

Турин университетинин нейрохирургу Серджио Канаверо нейрохирургия боюнча эл аралык Surgical Neurology International журналына жаныбарларга жасалган үч тажрыйбанын жыйынтыгын жарыялаган. Жүргүзүлгөн изилдөө эң башкы коркунуч болгон жүлүндү калыбына келтирүүгө болорун тастыктаган.

Музыка угуп жаткан адам. Архив - Sputnik Кыргызстан
Окумуштуулар кандай адамдар муңдуу музыкага жакын болорун аныкташты
Окумуштуу Түштүк Кореядагы университеттин жумушчу тобу менен бирге жол кырсыгынан мойну жанчылып калган итке операция жасашкан. Ошондой эле келемиш менен чычканга да ушундай эле операциялар жасалган. Төрт чычкан операциядан кийин өлүп калган, бирок бир чычкан басып кете алган.

Ал ортодо айрым сынчылар чычкандарга жасалган операциялар баш алмаштырууга болот деген жыйынтыкка келүүгө эч кандай негиз бербей турганын айтышат. Алар ошондой эле окумуштуулар толук маалыматты берген жок деп күмөн санашууда.

Мындай пикирлерге карабастан окумуштуу Канаверо 2017-жылдын аягында адамдардын да башын алмаштырууга болуп кала турганын айтууда. Вьетнамдагы ооруканалардын бири мындай операцияларды жасоого атайын жай бөлүп берүүгө даяр экенин билдирди.

Жаңылыктар түрмөгү
0