Ирак 2014-жылы авиабазадагы кыргындагы айыпкерлерди өлүм жазасына тартты

© AFP / MOHAMMED SAWAFИрак желеги. Архив
Ирак желеги. Архив - Sputnik Кыргызстан
Жазылуу
Өлүм жазасы Ди-Кар түштүк провинциясында жайгашкан Насирия түрмөсүндө аткарылды.

БИШКЕК, 21-авг. — Sputnik. Спайкер авибазасында "Ислам мамлекети" террордук тобунун согушкерлери менен кыргында айыпкер болгон 36 адам өлүм жазасына тартылды. Бул туурасында Ирактын юстиция министри Хайдер аз-Замили билдиргенин РИА Новости маалымдады.

Иранда өлүм жазасы. Архив - Sputnik Кыргызстан
Ирандын бийлиги 25 террорчуну өлүм жазасына тартты
Маалыматка ылайык, Ирактын Тикрит шаарына жакын жайгашкан Спайкер авиабазасындагы аталган кыргын 2014-жылы июнь айында болгон. Божомолдор боюнча, набыт болгон аскерлердин саны 1,7 миңге жеткен. Көбү авиабазада окуп жаткан жаш учкучтар эле. Алардын сөөгү авиабазаны террорчуларынын курчоосунан бошоткондон кийин массалык көмүлгөндөрдүн арасынан табылган.

2016-жылы февралда 40 адам бул ишке тиешеси бар деп айыпталып, өлүм жазасына тартылган. 14-августа өлкө президент Фуад Маасум соттун өкүмүн күчүндө калтырып, алардын ичинен 36 айыпкерди өлүм жазасына тартуу боюнча Жарлыкка кол койгон. Өлүм жазасы Ди-Кар түштүк провинциясында жайгашкан Насирия түрмөсүндө аткарылган. Кезегинде Ирактын сотун Amnesty International укук коргоо уюму сындап чыккан.

Анда Ирактын соту өлүм жазасын жарыялоодогу иш-процессинде көптөгөн тартип бузууларга барган, дегеле Иракта өлүм жазасы боюнча Жарлыктар акыркы убакта абдан өсүп кеткен деген наарызычылыктар айтылган.

Жаңылыктар түрмөгү
0