Индияда согушкерлер полицияга кол салып, бир кызматкер мерт болду

Жазылуу
Бүгүн Индия көз карандысыздыгын белгилеп жатат. Кол салуу маалында премьер-министри Нарендра Моди Нью-Делиде куттуктоо сөзүн сүйлөп жатканы айтылууда.

БИШКЕК, 15-авг. — Sputnik. Кашмирде Индиянын көз карандысыздык күнүн майрамдап жаткан учурда согушкерлер кол салып, андан бир полиция кызматкери көз жумду. Мындан тышкары коопсуздук кызматынын тогуз кишиси жарадар болгон. Бул тууралуу NDTV телеканалына таянуу менен РИА Новости жазып чыкты.

Ирактын куралдуу кучтору. Архив - Sputnik Кыргызстан
Ирактагы Мосул шаарынын жанындагы алты кыштак террорчулардан бошотулду
Маалыматка ылайык, эки жабырлануучу оор абалда ооруканага жеткирилген, бир аздан соң анын бири көз жумган. 

Согушкерлер өлкө эгемендүүлүгүн майрамдап жатканда Полициянын борбордук резервинде кызмат өтөгөн кызматкерлерге карай ок чыгарган. Кол салуу премьер-министри Нарендра Моди Нью-Делиде куттуктоо сөзүн сүйлөп жатканда болгон. 

Учурда кагылышуу токтоду, бирок согушкерлердин жок кылынганы же из жашырып кеткени белгисиз бойдон калууда. Алардын саны эки же төрт киши деп божомолдонуп жатат.

Жаңылыктар түрмөгү
0