БИШКЕК, 22-июл. — Sputnik. Түркиянын президенти Режеп Тайип Эрдоган аскердик төңкөрүш жасоо аракеттеринин кесепетинен 240 адам курман болуп, 2 миңге чукул киши жабырланганын айтты. Бул туурасында РИА Новости Рейтер агенттигине шилтеме кылып кабарлады.
Буга чейин төңкөрүш аракеттеринен Түркиянын 190 жараны каза таап, 100гө чукул козголоңчулар жок кылынып, 1,5 миңге чукул киши жаракат алганы айтылып келген.
16-июлга караган түнү Түркияда, негизинен Анкара жана Стамбул шаарларында аскердик төңкөрүш аракеттери болгон. Бир нече сааттан кийин өлкө бийлиги козголоң басылгандыгын кабарлаган.
