Түркия Россияга "Инжирлик" аскердик базасын пайдаланууга бериши мүмкүн

© AFP / TOBIAS SCHWARZ / POOLТүркиянын "Инжирлик" аскердик базасы. Архив
Түркиянын Инжирлик аскердик базасы. Архив - Sputnik Кыргызстан
Жазылуу
Мамлекеттик Думанын коргоо боюнча комитетинин төрага орун басары Андрей Красов Анкаранын бул демилгесин терроризм менен күрөшүү үчүн жасалган кадам экенин айтты.

БИШКЕК, 4-июл. — Sputnik. Түркиянын "Инжирлик" аскердик базасы "Ислам мамлекети" террористтик тобуна каршы аракеттерди көрүү үчүн Россиянын пайдалануусуна берилиши мүмкүн. Бул тууралуу өлкөнүн тышкы иштер министри Мевлют Чавушоглу билдирди.

Ал Түркия "Ислам мамлекетине" каршы турган бардык күчтөр менен кызматташууга даяр экенин белгиледи. 

"Эмне үчүн Россия менен бул жаатта кызматташа албайбыз? ИМ — баарыбыздын душманыбыз. Демек, террорчулар жасай турган аракеттердин алдын алуу — эң маанилүү нерсе. Бул боюнча Сергей Лавров менен болгон оюбуз бир чыкты", — деди Чавушоглу.

Ал эми Мамлекеттик Думанын коргоо боюнча комитетинин төрага орун басары Андрей Красов Анкаранын бул демилгесин терроризм менен күрөшүү үчүн жасалган кадам экенин айтты. 

Казакстандын президенти Нурсултан Назарбаев. Архив - Sputnik Кыргызстан
Эрдоган Москва менен болгон мамилени жакшыртууга кошкон салымы үчүн Назарбаевге ыраазы
"Инжирлик" базасы өлкөнүн түштүгүндөгү Адана провинциясында жайгашып, анын ишмердиги АКШ менен Түркиянын ортосундагы аскердик жана экономикалык кызматташуу боюнча келишимдин негизинде жөнгө салынат. Базаны пайдаланууга уруксатты Анкара берет. Учурда ал жерде АКШ, Германия, Улуу Британия, Карат жана Сауд Аравиясынын учактары жайгашкан.

Эскерте кетсек, Россиянын аба күчтөрү террорчуларга каршы Сириянын Хмеймим базасынан күрөш жүргүзүп келет. Ал эми Түркия менен Россиянын ортосундагы мамиле Су-24 учагынын атып түшүрүлүшүнөн кийин солгундап кеткен. 

Жарым жылга созулган каршылашуудан соң Эрдоган менен сүйлөшкөн Путин Түркияга карата киргизилген бир катар санкцияларды жоюу боюнча жарлыкка кол койгон.

Жаңылыктар түрмөгү
0