Кавказ тоолорун ашып, Сирияга кетүүгө камынгандар кармалды

© Sputnik / Щекин / Медиабанкка өтүүТүндүк Кавказ тоолору. Архив
Түндүк Кавказ тоолору. Архив - Sputnik Кыргызстан
Жазылуу
Экөө алдын ала даярданып, шоколад, минералдык суу, жылуу кийим-кече, бычак жана акча алышкан.

БИШКЕК, 28-июн. – Sputnik. Чек арачылар Түндүк Кавказ тоо кыркасын ашып, Сирияга кетүүгө камынган эки жаш жигитти кармашты. Бул туурасында РФ ФСБнин Чек ара башкармалыгы билдирди. 

"ФСБнин Чек ара башкармалыгынын кызматкерлери Түндүк Осетиянын Чми айылынан Сирияга аттанган Россия жарандарын кармашты. Аталган аймактын эки жашоочусу орус-грузин чек арасын бузуп өтүүгө аракет кылган", — деп айтылат маалыматта. 

Териштирүү маалында 22 жана 19 жаштагы жарандар Грузиянын чек арасына өтүп, андан Кавказдын башкы тоолору аркылуу Түркияга келип, ал жерден Сирия чыгып, эл аралык террордук уюмдун катарына кошулууга ниеттенишкен. 

"Алардын айтымында, Сирияга кетүү ниети жарым жыл мурда жаралган. Аларды бул кадамга жакындарынын бири түрткөн. "Ислам мамлекети" террордук уюмуна кошулууну улам айтып, "жихадга" барууну кулагына куя берген", — деп айтылат таратылган билдирүүдө. 

Экөө алдын ала даярданып, шоколад, минералдык суу, жылуу кийим-кече, бычак жана акча алышкан. 

Кармалган адамдар тартип коргоо органдарына өткөрүп берилип, тергөө иштери жүрүүдө.

Жаңылыктар түрмөгү
0