Түркия атып түшүргөн Су-24 учагына компенсация төлөбөй турганын айтты

© Sputnik / Дмитрий Виноградов / Медиабанкка өтүүРоссиянын Су-24 учагы. Архив
Россиянын Су-24 учагы. Архив - Sputnik Кыргызстан
Жазылуу
Буга чейин TRT телеканалынын эфиринде өлкөнүн премьери Түркия "зарылдыгына жараша" компенсация төлөп берүүгө даяр экенин билдирген.

БИШКЕК, 28-июн. — Sputnik. Түркия өкмөтүнүн башчысы Бинали Йылдырым ноябрь айында атып түшүрүлгөн Су-24 учагына компенсация төлөп бербестигин айтып, ал чатак үчүн кечирим сурады. 

Йылдырымдын "Учак үчүн акча төлөп берүү туурасында сөз да болгон жок. Биз болгону кечирим сурадык", — деп айтканын CNN Turk телеканалы келтирет. 

Буга чейин TRT телеканалынын эфиринде өлкөнүн премьери Түркия "зарылдыгына жараша" компенсация төлөп бере тургандыгын айткан эле.

Кремль. Архив - Sputnik Кыргызстан
Кремль Эрдоганга элдешүү үчүн эмне кылуу керектигин эскертип өттү
Дүйшөмбү күнү РФ президентинин маалымат катчысы Дмитрий Песков журналисттерге Түркиянын президенти Режеп Тайып Эрдоган Россия лидери Владимир Путинге жолдогон катында атып түшүрүлгөн аскердик Су-24 учагы үчүн кечирим сурагандыгын айткан. Анда учкучтун каза болгондугуна байланыштуу көңүл айтып, Россия Түркиянын стратегиялык өнөктөшү болгондуктан Анкара байланышты үзгүсү келбегендиги жазылганын кошумчалаган.

Россиялык Су-24 учагы Сириянын аймагынан түркиялык F-16 ракетасы менен ноябрь айында атып түшүрүлгөн. Экипаждын командири менен штурманы учактан секирип чыгууга үлгүрүшкөн. Командир Олег Пешков согушкерлердин аткылоосунан абада эле өлтүрүлгөн, ал эми штурман Константин Мурахтин Россия жана Сирия аскерлери тарабынан куткарылган.

Россиянын президенти Владимир Путин Түркиянын бул кадамын "далыга урулган бычак" катары сыпаттаган. Бул окуядан кийин Россия менен Түркиянын мамилеси кескин солгундап кеткен.

Жаңылыктар түрмөгү
0