Месси Аргентинанын улуттук курамасынан кетип жаткан себебин түшүндүрдү

© REUTERS / Brad PennerАргентина курама командасынын чабуулчусу Лионель Месси Америка Кубогунун финалдык беттешинде
Аргентина курама командасынын чабуулчусу Лионель Месси Америка Кубогунун финалдык беттешинде - Sputnik Кыргызстан
Жазылуу
Футболчу Аргентина төрт ирет финалда ойноп, жеңишке жетпей калганы өкүнүчтүү деген пикирде.

БИШКЕК, 27-июн. — Sputnik. Месси эмне үчүн Аргентинанын футбол боюнча улуттук курама командасынан кетип жатканын түшүндүрдү. Бул тууралуу РИА Новости TyC Sports телеканалына таянуу менен билдирет.

Эске сала кетсек, Аргентина курамасы Америка Кубогунун финалдык беттешинде Чилиге пенальтиден утулуп калган. Команданын капитаны Лионель Мессинин пенальтиден гол киргизе албай калышы Аргентинаны жеңилүүгө алып келди. Көзгө жаш алган Месси улуттук курамадан кете турганын жар салган эле. 

"Мен төрт ирет финалда ойноп, тилекке каршы, жеңишке жете алган жокмун. Мага жүктөлгөн ишеничти актай албадым. Менимче улуттук курамадан кеткеним туура болот. Чечим кабыл алынды", — дейт Месси. 

17 жашынан бери атактуу "Барса" клубунда ойноп келген Лионель Месси замандын эң күчтүү футболчуларынын бири катары саналат. Ал беш ирет алтын топту утуп алган.

Жаңылыктар түрмөгү
0