Афганистандын түштүгүндө талиптер ондогон кишини уурдап кетти

© AFP / WAKIL KOHSAR"Талибан" радикалдык кыймылынын согушкелери. Архив
Талибан радикалдык кыймылынын согушкелери. Архив - Sputnik Кыргызстан
Жазылуу
Агенттик, алар Гиришкке жакын автобустарды токтотконго чейин 18 кишини — аялдар менен балдарды коё бергендигин кабарлады.

БИШКЕК, 21-июн. — Sputnik. "Талибан" радикалдык кыймылынын согушкелери Афганистандын түштүгүндөгү Гильменд провинциясында ондогон кишини уурдап кетти. Бул туурасында РИА Новости Khaama Press агенттигине таянып кабарлады.

Маалыматтарда бул чырдуу окуя Гиришк деп аталган округда болгондугу айтылат. Шейшемби күнү согушкерлер жүргүнчүсү бар автобустарды баш кылып бир канча автоунааны токтотуп, андагы кишилерди барымтага алып кеткен. Кол салгандардын саны азырынча канча экендиги тактала элек. 

Афган аскерлери. Архив - Sputnik Кыргызстан
Афганистандын аскерлери бир суткада 21 террорчуну жок кылды
Бийлик өкүлдөрүнүн маалыматына таянган Рейтер, согушкерлер кеминде 25 эркек кишини алып кеткендигин жазган. Агенттик алар Гиришкке жакын автобустарды токтотконго чейин 18 кишини — аялдар менен балдарды коё бергендигин кабарлады.

"Талибан" кыймылынын өкүлү үч автобустан 27 киши уурдалгандыгын жана алардын "Кабулдун коопсуздугу боюнча администрациянын органдарына" катыштыгын текшерип жаткандыгын айткан. 

Акыркы кездерде согушкерлердин жай жарандарды уурдап кетүү фактылары арбый баштады. Ири окуя быйылкы май айынын соңунда катталган. Анда талиптер 200гө чукул киши түшүп келе жаткан төрт автобуска, алты жеңил унаага кол салган. Согушкерлер сүйлөшүүлөр башталгандан кийин алардын көбүн коё берген. Кол салуу учурунда 17 киши набыт болгондугу кабарланган.

Негизи акыркы убакта Афганистанда кырдаал бир топ начарлап кетти. Буга чейин өлкөнүн элет жеринин көп бөлүгүн ээлеп алган "Талибан" кыймылы учурда ири шаарларга басым жасап жатат. Мындан тышкары, мамлекетке "Ислам мамлекети" террористтик тобунун таасири да жайылууда.

Жаңылыктар түрмөгү
0