БИШКЕК, 18-июн. — Sputnik. Франциянын полиция кызматкери каза болгон тартип коргоочулардын элесине арналган расмий иш-чарада өлкөнүн президенти Франсуа Олланд жана премьер-министр Мануэль Вальс менен кол алышуудан баш тартты. Бул туурасында РИА Новости RTL радиостанциясына таянып кабарлады.
Бул окуя эки тартип сактоочунун курман болгондугуна карата уюштурулган расмий иш-чарада президент Олланд тизилип турган полиция кызматкерлеринин колун катары менен кысып келе жатканда болгон. Аларды бири колун сунган президентке жооп катары кол алышпай, какайган тейде кыймылсыз тура берген.
Шейшемби күнү Францияда полициянын үйүнө коңшусу кол салып, бычактап өлтүрүп, баласы менен аялын барымтага алган. Ал атайын даярдыктагы аскерлер катышкан операцияда жок кылынган. Кырсык болгон жерден тартип сакчылары каза тапкан полиция кызматкеринин барымтага алынган аялынын өлүгүн тапкан. Маалыматтарда аялдын да ички иштер министрлигинде иштегендиги айтылган. Ал эми бөбөк тирүү калып, балдар үйүнө өткөрүлгөн.
