Япон полициясы АКШнын аскер базасы жайгашкан Окинаваны күзөтүп жатат

© AP Photo / Eugene HoshikoАмериканская военная база "Кэмп Шваб" на Окинаве. Архивное фото
Американская военная база Кэмп Шваб на Окинаве. Архивное фото - Sputnik Кыргызстан
Жазылуу
Полиция кызматкерлеринен турган атайын отрядды түзүү чечимин өкмөт Окинавадагы адам өлүмү менен аяктаган кайгылуу окуялардан кийин кабыл алган.

БИШКЕК, 16-июн. – Sputnik. Полициянын атайын отряды америкалык аскерлер катышкан кандайдыр бир окуянын болуп кетүүсүнүн алдын алуу максатында Окинава аралынын аймагында көзөмөлдөө иштерин баштады.

NHKтелеканалынын маалыматына караганда жаңы отряд полициянын 40 кызматкеринен турат. Алардын милдети — америкалык базага жакын жайгашкан райондорду кыдырып, карап туруу. 

Полиция кызматкерлеринен турган атайын отрядды түзүү чечимин өкмөт Окинавадагы трагедиялалардан кийин кабыл алган.

Майдын аягында АКШнын аскер базасынын кызматкери Шинзато Кеннет Франклинди жыйырма жаштагы кыз Рина Симабукуронун өлүмү боюнча камакка алган. 

Кэмп Шваб деп аталган америкалык аскер базасы. Архив - Sputnik Кыргызстан
АКШнын аскери Окинавада япон кызын зордуктаганын мойнуна алды
Дайынсыз жоголуп кетти делген кыздын сөөгү токойдон табылган. Полиция иликтөө иштеринин жыйынтыгы менен кызды алгач эсин оодара чаап, андан кийин зордукталгандыгын, эң акырында бычак сайылгандыгын аныктап чыккан. Иликтөөнүн болжолдуу версиясы менен мунун баарын жасап бүткөндөн кийин америкалык аскер кыздын денесин чемоданга салып, токойго жеткирип, ыргытып салган. 

Бир нече убакыт өткөндөн кийин Окинавадагы америкалык Кадэна аскер базасынын аял кызматкери мас болуп автоунаа айдап бара жатып, маңдайында келе жаткан эки машинаны сүзүп кармалган. Текшере келгенде аялдын канындагы алкоголь нормадан алты эсе көп экендиги аныкталган. Мындай окуялардан кийин АКШнын Япониядагы командачылыгынын буйругу менен Күн Чыгыш өлкөсүндөгү америкалык аскерлерге спирт ичимдикти ууртап-татууга тыюу салынып, эки жакка чыгуусуна чек коюлган.

Окинава префектурасы Япония аймагынын болгону 0,6 пайызын түзгөнү менен ал жерде өлкөдөгү болгон-бүткөн куралдарынын жарымынан ашыгы жана америкалык объектилердин 74 пайызы жайгашкан. Префектуранын администрациясынын маалыматында Окинавада 25 миң 800 америкалык аскерлер жана 19 миң алардын үй-бүлө мүчөлөрү жана АКШнын жай жарандары жашайт.

Жаңылыктар түрмөгү
0