Адамдан да мыкты операция жасай турган хирург-робот жарык көрдү

Жазылуу
Аталган робот сокур ичеги менен өттү алууда пайдаланылат деп айтылууда.

БИШКЕК, 6-май — Sputnik. АКШда айрым функцияларды дарыгерлерден мыкты жасаган хирург-робот пайда болгонун РИА Новости Financial Times басылмасына таянуу менен жазды.

Окумуштуулар ичкиликтен арылуунун жолун табышты
STAR (Smart Tissue Autonomous Robot) аттуу автономиялык түзүлүштүн колу жана тигүүгө жөндөмдүү автоматташтырылган аспабы бар. Мындан тышкары, ал жасала турган ишти так көрсөтө турган инфракызыл түстүү 3D-системасы жана сенсор системасы менен жабдылган. 

Вашингтондогу улуттук балдар саламаттыгын сактоо системасынын адистери алгач роботту ички органдары адамдыкына окшош келгендиктен чочколорго сынап көрүштү. 

Иликтөө учурунда кадимки хирургиялык процедура болгон энтероэнтеростомия боюнча операция жасалып, шишик алынды.

"Жыйынтыгы бизди абдан таң калтырды. Роботтун айрым аракеттери хирургдардыкынан да мыкты болду", — деди медицина адиси Питер Ким.

Анын айтымында, робот автономиялуу режимде пайдалануу үчүн жасалганы менен анын ишине хирург каалаган учурда кийлигише алат. 

"Эгер бир нерсе туура эмес болуп баратса, роботту үн менен эле токтотуп коюуга болот", — деди Ким.

Адистердин айтымында, хирург-робот сокур ичегини же өттү алууда пайдаланылышы мүмкүн.

Басылма изилдөөнүн жыйынтыгы аталган роботту жакынкы 2-3 жылда пайдаланууга болорун көрсөткөнүн белгилейт.

Жаңылыктар түрмөгү
0