Медиктер: аспирин рактан кийин жашап кетүү мүмкүнчүлүгүн жогорулатат

© Sputnik / Алексей Мальгавко / Медиабанкка өтүүАлакандагы дарылар. Архив
Алакандагы дарылар. Архив - Sputnik Кыргызстан
Жазылуу
Медиктер ракка каршы терапиянын жыйынтыгын иликтеп жатып, аспирин аталган илдеттин клеткаларынын жайылышына тоскоол болуп, химия терапияга жардам кыларын аныктап чыкты.

БИШКЕК, 22-апр. — Sputnik. Рак менен ооруган адам химия терапиясынын алдында аспирин ичсе, операциядан кийин өзүнө келип, андан ары жашап кетүү мүмкүнчүлүгүн 20 пайызга жогорулатат. Бул туурасында PLoS One илимий журналына чыккан изилдөөдө баяндалат деп жазды РИА Новости.

"Аспириндин рактын бир катар түрлөрүн дарылоодо жардам бере тургандыгы боюнча далилдерибиз акырындык менен көбөйүп бара жатат. Аны чеги менен ичип жүрүү рактын өрчүшүн азайтары тууралуу мурдагы иликтөөлөрдө белгилүү болгон. Бирок, шишиктен арылтууга эмнеси себепкер болору белгисиз бойдон калып келген", — деген Улуу Британиядагы Кардифф университетинин өкүлү Питер Элвуд.

Илимпоздор лилия гүлүн уулуу заттарды организмден алып чыгууга жөндөмдүү дешти
Мунун сырын ачыш үчүн Элвуд менен кесиптештери көтөн чучук, эркектердин урук чыктагыч безинин жана эмчек рагына тийгизген таасири боюнча ондогон илимий изилдөөлөрдү жасаган. 

Окумуштуулардын айтымында, аз көлөмдө болсо да аспиринди ичкенде бейтаптардын өмүрү узарат. Тагыраагы, жогоруда аталган рактын үч түрүндө өлүмдү болжол менен 15-20 пайызга кыскартат. Бул залалдуу шишиктин жайылышын, көбөйүшүн кечеңдетет деген түшүнүк. 

Элвуд аспирин рактын башка түрлөрүндө да жардам берерин, бирок, азырынча ал боюнча дадилдер жетишсиз экенин айтты.

Жаңылыктар түрмөгү
0