Обама менен Путин Сириядан РФ аскерлеринин чыгарылышын телефондон талкуулашты

© Sputnik / Дмитрий Виноградов / Медиабанкка өтүүСириядагы Россиянын учактары. Архив
Сириядагы Россиянын учактары. Архив - Sputnik Кыргызстан
Жазылуу
Буга чейин Кремлдин маалымат кызматы эки өлкө башчы Сириядагы ок атууну токтотуу жана терроризм менен күрөшүү жаатында Россия менен АКШнын багыттарын мындан ары так аныктап алуунун маанилүүлүгүн белгилешкенин билдирген.

БИШКЕК, 15-мар. — Sputnik. Ак үй Россиянын президенти Владимир Путин менен АКШ жетекчиси Барак Обама Сириядагы ок атууну токтотуу режимин талкуулап, россиялык аскер күчтөрүн аталган аймактан чыгаруу жана мындан аркы согуштук аракеттерди токтотууну ишке ашыруу боюнча телефондон сүйлөшүшкөнүн тастыктады.

Билдирүүдө сириялык режим жана анын тарапташтары менен куралчан оппозициянын ортосундагы согуштук аракеттерди токтотуу жаатындагы алгылыктуу натыйжалар талкууланганы айтылат.

"Президенттер Путиндин Сириядан россиялык күчтөрдү чыгаруу боюнча билдирүүсүн талкуулап, согуштук аракеттерди толугу менен токтотуу жаатында кийинки кадамдар ортого салынды", — деди Ак үй.

Керри: Россия менен АКШ Сириядагы террорчуларга каршы күрөшүү системасын түзөт
Билдирүүдө Обама Сириядагы зордук-зомбулукту токтотуу үчүн саясий трансформация зарыл экенин билдирди деп айтылат.

Буга чейин Кремлдин маалымат кызматы эки өлкө башчы Сириядагы ок атууну токтотуу жана терроризм менен күрөшүү жаатында Россия менен АКШнын багыттарын мындан ары так аныктап алуунун маанилүүлүгүн белгилешкенин билдирген.

Дүйшөмбү күнү Россия президенти Владимир Путин корго министри Сергей Шойгуга 15-марттан тарта Сирия аймагынан россиялык аскер күчтөрүн чыгарууга буйрук берген. Өлкө башчы бул кадамды РФ аскер күчтөрү коюлган тапшырманы толук аткарып бүткөнү менен түшүндүргөн.

Жаңылыктар түрмөгү
0