Шарапованын тапшырган анализдеринен допинг табылды

© Sputnik / Алексей Филиппов / Медиабанкка өтүүРоссиялык спортчу Мария Шарапова. Архив
Россиялык спортчу Мария Шарапова. Архив - Sputnik Кыргызстан
Жазылуу
Россиялык спортчу анын тапшырган допинг тестинен тыюу салынган мельдоний препараты табылганын билдирип, окуя боюнча бардык жоопкерчиликти өзүнө ала турганын айтты.

БИШКЕК, 8-мар. — Sputnik. Россиялык спортчу Мария Шарапова Австралиянын ачык чемпионаты учурунда алынган допинг үлгүсүнөн тыюу салынган мельдоний препараты табылганын билирди деп жазат РИА Новости.

Шарапова өз карьерасын мындай маанайда бүтүрүүнү каалабаганын жана кийинки оюндарга катышам деген үмүтү бар экенин айтат.

Дүйнөнүн мурдагы биринчи ракеткасы Шарапова Чоң шлемдин беш жолку чемпиону. Ал быйылкы Австралиянын ачык чемпионатында чейрек финалга чейин чыгып, америкалык Серена Уильямска жеңилип калган.

"Бир канча күн мурда мен ITF федерациясынан Australian Open турнири учурунда тапшырган допинг тесттен өтпөй калганым тууралуу билдирүү алдым. Болгон окуя боюнча бардык жоопкерчиликти өзүмө алам. Акыркы он жылдан бери мен дарыгер сунуштаган "милдронат" препаратын ичип келем. Кат келгенден кийин бир канча күндөн соң мен препараттын "мельдоний" деген да аталышы бар экенин билдим. Он жыл ичинде бул препарат тыюу салынган каражаттын тизмесине кирген эмес, мен аны мыйзамдуу түрдө колдонуп келгем. Бирок, 1-январдан тарта эреже өзгөрүп, бул каражат тыюу салынган тизмеге кириптир", — деп ал маалымат жыйында билдирди.

Кыргызстандык тайбоксчу Валентина Шевченко UFC турниринин алкагында бразилиялык мушкер Аманда Нуньес менен беттешүү учурунда - Sputnik Кыргызстан
UFC: Валентина Шевченко мушкер Аманда Нуньестен жеңилүү ызасын тартты
Шарапова ошондой эле, өз ишине берилүү менен мамиле кылып келгенин, тыюу салынган каражатты колдонуп чоң ката кетиргенин айтат. Андан сырткары өзүнүн күйөрмандарын да капа кылганын белгилеген. Орус спортчусу анын кесепети кандай болорун жакшы түшүнөрүн, бирок карьерасын мындай жаңжал менен бүтүргүсү келбегенин жана ага экинчи шанс берилет деп үмүттөнөрүн билдирди.

Ал ортодо Nike фирмасы допинг тесттен кулап калган Шарапова менен түзүлгөн келишимди токтото турганын жар салды. Шарапова бул фирма менен көп жылдан бери кызматташып келет.

Жаңылыктар түрмөгү
0