Сауд Аравия ТИМи: жазаланган ан-Нимр кудайдын кишиси эмес, террорчу

© AFP / AHMAD AL-RUBAYEАкции протеста в Саудовской Аравии
Акции протеста в Саудовской Аравии - Sputnik Кыргызстан
Жазылуу
Нимр ан-Нимр террорчуларды каржылап, андан сырткары террордук кол салууларга катышып жүргөн деген маалыматтарды Сауд Аравиясынын тышкы саясат боюнча ведомствосу берди.

БИШКЕК, 20-янв. — Sputnik. Сауд Аравиясынын Тышкы иштер министриАдиль аль-Жубейр өлүм жазасына тартылган Нимр ан-Нимр террорчу эмес, кудайдын адамы, диний үгүтчү болгон деген аныктоолорду четке какты.

"Нимр ан-Нимр – динди изилдеп жүргөн адам эмес, террорчу. Ал террорчуларды каржылап, актап, кол салуулар боюнча сүйлөшүүлөрдү жүргүзүп, уюштуруп турган. Анын кесепетинен бир топ жөнөкөй адамдар менен коопсуздук боюнча күчтөрдүн өкүлдөрү каза тапты ",— деп билдирген аль-Жубейр CNN телеканалына берген маегинде.

Ирандын президенти Хасан Роухани. Архивное фото - Sputnik Кыргызстан
Президент Роухани диний үгүтчү Нимр ан-Нимрдин өлүмү боюнча үн катты
Эске салсак, Сауд Аравиясынын Ички иштер министрлиги 2-январь күнү терроризмге шектелип соттолгон 47 адамды өлүм жазасына тартканын жарыялаган. 

Жазага тартылгандардын арасында 2012-жылдан бери камакта отурган белгилүү шиит диний үгүтчүсү Нимр ан-Нимрдин да бар экени айтылган. Тегеран үгүтчүнүн өлтүрүлүшүн катуу сынга алып, Иранда массалык нааразылык акциялар өткөн. Сауд Аравиянын Тегеран жана Мешхед шаарларындагы дипломатиялык мекемелер алардын чабуулуна кабылган. Мындан улам, Эр-Рияд менен Тегерандын ортосундагы дипломатиялык мамиле үзүлгөн.

Жаңылыктар түрмөгү
0