23:24 15 Тогуздун айы 2019
Түз эфир
  • USD69.8396
  • EUR77.0051
  • RUB1.0869
Какие иностранные блюда шокируют кыргызстанцев

Кыргызстандыктарды таң калтырып, чочуткан чет элдик тамактар

© flickr.com / Cucino di Te
Дүйнөдө
Кыскача шилтеме алуу
107210

Чет мамлекетте жашаган мекендештерди таң калтырган жергиликтүү тамактардын тизмесин билип көрүүгө аракет кылдык.

БИШКЕК, 4-янв. — Sputnik. Кыргыздын улуттук тамагы чучукту жылкынын жыныс мүчөсүнө теңеген Майкл Макфиттин жазгандары коомчулукта катуу талкууга жем таштады. Анын бул кыймыл аракетине укук коргоо органдары чекит коет.

Ал эми Sputnik Кыргызстан маалымат агенттиги чет жакта жашап жаткан жана ал жакка барып келген мекендештерди бир чети таң калтырып, бир чети чочуткан тамактарды тизмелеп көрдү.

Мелисбек Жунусов, Перуда саякаттаган

Блендерден өткөрүлүп майдаланган бака – абдан даамдуу жана пайдалуу деп эсептелет экен. Азыр эстесем кускум келет.

Венера Биктимерова Шри-Ланкага барып келген 

Ачуу лимонадды элестетиңиз? Ал жакта тамактын бары ачуу болгондуктан, аны жегичекти ачка жүргөн оң. Ал жакта этти таптакыр жебейт экен. Кадимки тоокко да тийбейт экен.

Толкунай Аскарбекова, Чаньчунь (Кытай) шаарында окуйт

Мен дүкөндө жибек курттарынын сатылып жатканын көргөм. Аны жергиликтүү тургундар килограммдап сатып алып, сыртын тазалап, кууруп жешет. Көрсөң кускуң келет, бирок, тооктун эти сыяктуу даамдуу дешет. Аны дүкөндөрдөн, кафе, ашканалардан сатып алсаң болот.

Куколки шелкопрядов в тарелке. Архивное фото
© flickr.com / Kent Wang
Куколки шелкопрядов в тарелке

Калыс Шаршекеев, Мексикага барып келген

Мексикалыктар буррито менен кесадильядан тышкары кактусту да жейт экен! Кактусту кууруп, дымдап аябай бышырышат. Даамы таттуу. Бирок, аны эмнеге окшоштурушту билбейсиң.

Айдина Черикова, Парижге барып келген

Чынында эч нерсе деле оозумду ачып таң калтырган жок. Француз ашканасы тууралуу көп эле уктук да. Ошентсе да алар чайды дээрлик ичишпейт экен. Анын ордуна лимонад, шире жана винону көп ичишет.

Камчыбек Аманов, Түштүк Кореяда эмгек өргүүсүн өткөргөн

Бизди бир нече жолу осьминогдон жасалган тамак менен тойгузганга аракет кылышты. Бир катар ресторандарда аквариумдарда түшүнүксүз болгон деңиз жандыктары турат. Каалаганын тандап, тамак жасатсаңыз болот. Кээде аны кесип берсе, кээде бүкүлү бойдон бышырат экен.

Рыбный рынок Цукидзи в Токио
© Sputnik / Наталья Селиверстова
Рыбный рынок "Цукидзи" в Токио

Анаркүл Мааданбекова, Мельбурнда (Австралия) жашайт

Башында кенгурунун эттерин жегендерди көрүп аябай таң калдым. Мен дагы анын этин жеп көрөйүн деп ойлогом. Бирок, чуркап жүргөн кенгуруларды көргөндөн кийин алардын этин жегим келбей калды. Алар көзгө абдан жагымдуу көрүнөт. Анан аларды кантип жейсиң.

Приготовленное мясо Кенгуру в одном из кафе
© flickr.com / caesararum
Приготовленное мясо Кенгуру в тарелке

Сабина Рейнгольд, Испанияга барып келген

Жалпысынан мен оозумду ачып эч нерсеге деле таң калганым жок. Азыр бизде кызыл-чеке болуп талашып жаткан чучуктун формасына окшош chocolate con churros y porras деген десерт бар. Ал бир караганда түрдүү ойлорду жаратышы мүмкүн.

Какие иностранные блюда шокируют кыргызстанцев
© flickr.com / Óscar
Испанский десерт chocolate con churros y porras

Мирлан Бектурсунов, Саппоро шаарында (Япония) окуйт 

Алгач Японияга келгенде мени "Чыңгызхан" деген тамак абдан таң калтырган. Анан албетте "суши".

Камилла Жаныбекова, эмгек өргүүсүн Норвегияда өткөргөн

Ал жакта өлө сасыган балыкты бышырат экен. Аны бир канча күн чылап койгондо ал, айнектей тунук болуп калат. Ал дасторконго коюлат. Даамы балким жакшы болушу мүмкүн, бирок жыты абдан сасык.

Тема боюнча

Чет элдиктерди таң калтырган кыргыз тамактары
ИИБ: чучук тууралуу чет элдиктин айткандары УКМКга берилет
Белгилер:
чет элдиктер, чучук, тамак-аш

ЭҢ МААНИЛҮҮ