Чечен президенти Instagram тармагындагы видеосу үчүн айыпка жыгылды

© Sputnik / Саид Царнаев / Медиабанкка өтүүЧечен президенти Рамзан Кадыров. Архив
Чечен президенти Рамзан Кадыров. Архив - Sputnik Кыргызстан
Жазылуу
Рамзан Кадыровдун коопсуздук курун тагынбастан унаа айдап бараткан ролиги Instagram тармагында пайда болгон.

БИШКЕК, 21-дек. — Sputnik. Чечен президенти Рамзан Кадыров Instagram тармагындагы өз баракчасына видео жайгаштыргандан кийин жазага тартылганын билдирди. Анда президент өзү да, арткы орунда отурган балдар да коопсуздук курун тагынган эмес.

))))✋👍

A video posted by Аллах Велик!!! (@kadyrov_95) on Dec 20, 2015 at 8:08am PST

Роликте балдар атайы креслодо эмес, кадимки орундукта отурганы көрүнүп турат.

"Кынтыксыз адам болбой экен… Тилекке каршы, мен дагы жаңылып-жазам. Кимдир-бирөө видеодо менен кур тагынбаганымды байкап, Жол кайгуул кызматынын жетекчиси Шамхан Денилхановго билдириптир. Полковник дароо реакция кылды. Протокол түзүлүп, айып пул чегерилди", — деп жазат Кадыров.

Республиканын жетекчиси айып пулду дүйшөмбү күнү төлөй турганын айткан.

Мындан тышкары, Кадыров балдар үчүн креслонун зарылдыгы тууралуу маалыматы бар экенин билдирген. Бирок бул учурда ролик тартылып жатканына байланыштуу курлар тагылбай, креслолор орнотулбаганын айтты. 

"Бирок мындай болбошу керек!", — деп кошумчалай Чечен президенти.

Ал МАИ кызматкери жолдун "башчысы" экенин белгилеп, айдоочулардын баары анын талабына көнүшү керектигин кошумчалаган.

Жаңылыктар түрмөгү
0